華強北位於深圳福田中心區，距離福田口岸、皇崗口岸約2-3個地鐵站距離，大家都知道華強北電子城整電腦或者買各種配件都超平，但係又好驚俾人呃，今次總結各類物件喺邊個地點買最適合最平，就算自己前往都可以買到靚貨。
華強北電子城大原則：
- 去二樓、三樓以上，租金平啲價錢都平啲
- 街上的「蘋果」標都係授權店非專營店
其他相關：
康樂大廈：手機殼、手機膜、耳機等配件
交通：7號線華強北D1出口220米
（皇崗口岸站前往只需3個站約15分鐘，福田口岸站前往3個站約20分鐘）
康樂大廈一共有7層，直接去二樓以上睇手機殼、手機膜都有批發價，大部分淘寶手機殼都出自於此，不過儘量多買幾個價錢比較優惠。可能平時幾十蚊的手機殼裡面只需幾蚊左右，而手機膜可能低於1蚊1張。
飛揚時代大廈：二手機、平板、手提電腦
交通：7號線華強南B出口480米
（福田口岸站出發約4個站月25分鐘，皇崗口岸站出發2個站約20分鐘）
如果想搵平價的二手ipad、iwatch、型號較舊的iphone都可以去飛揚時代大廈選擇，最好從二樓、三樓多數為平板、手提電腦、電子錶，四樓就係二手iphone，建議多比價幾間店鋪價錢同睇成色
分辨二手機成色：不要太低價、成色不會太完美有一定使用痕跡、電池健康度、屏幕折射出的光是否正常形狀（正常為圓形）
聚福城：維修
地鐵：7號線華強南站B出口330米
（福田口岸站出發約4個站月25分鐘，皇崗口岸站出發2個站約20分鐘）
如果有電子產品壞咗但係官方維修比較貴的情況下，都可以去華強北進行維修（不過第三方維修後會影響官方維修/回收），網友介紹聚福城維修會相對優惠同便捷，之前都試過一部macbook電腦官方維修報價4千，而最後在華強北只需1200人仔，差價都比較明顯。
遠望數碼商城：全新手機
地鐵：7號線華強北地鐵站B出口
（皇崗口岸站前往只需3個站約15分鐘，福田口岸站前往3個站約20分鐘）
據說全中國90%的全新機（代理售賣點）都係在遠望發貨、拿貨，相對官方會平幾百甚至更多，都建議直接去3樓挑選想要的品牌或者型號，一般都會平過1、2樓的店鋪
