【深圳海邊沙灘推介】南澳第一沙灘、金沙灣沙灘、大梅沙等人氣7個超靚必去海灘！附交通/門票攻略
深圳人氣7個超靚必去海灘！陽光、藍天、白雲，仲有熱辣辣嘅天氣，最啱就係跳入海到消暑！趁夏天仲未走，無論係一家大細定係同朋友情侶，都一定會玩得好開心，快啲揀一個即刻出發啦！
而且人氣熱點金沙灣沙灘，更係其中一個麥麥島網紅打卡路線，可以從深圳佳兆業萬豪酒店正門入去穿過大堂到沙灘。你會見到有齊漢堡沙灘椅、麥當勞M字門秋千同麥麥舞台等等嘅打卡位！唔急住要趕行程的話，不妨考慮入住深圳佳兆業萬豪酒店一晚，又唔使急可以慢慢係酒店沙灘嘅「麥麥沙灘碼頭」影到滿意為止！
另外，鹽田都一樣有好多靚沙灘，而且交通非常方便，好多都可以直接搭地鐵，係市區朋友嘅好選擇！而且沙灘附近都有好多酒店，繼深圳大梅沙/小梅沙之後仲有新開幕的美高梅酒店，去過的朋友都覺得出色，有興趣可以睇埋呢8間深圳度假酒店，鄰近沙灘、從羅湖口岸/福田口岸車程1個鐘以內可以睇海景行沙灘！
怕麻煩嘅朋友都可以係大陸call車，其實都好方便同比香港平好多～
其他相關文章：大梅沙/小梅沙好去處、深圳親子酒店合集、羅湖酒店合集、福田酒店推介、深圳新酒店2025
【深圳海邊沙灘推介】大鵬篇
大鵬新區擁有多個超靚嘅海灘，各有特色！
南澳第一沙灘
呢個沙灘嘅沙真係超乾淨，踩上去好舒服，好似踩喺麵粉上面咁。海水清澈見底，係好靚嘅藍寶石色，影相超靚！雖然海岸線唔算好長，但係勝在人流唔多，可以安安靜靜咁享受海風，好適合想放鬆嘅朋友。
- 門票： 免費免預約
- 地址：大鵬新區南澳街道海濱北路附近
- 交通：附近公交站南澳辦事處站
時光海公園
以前叫做金沙灣沙灘，呢度最正嘅地方就係免費開放，而且沙灘又乾淨又軟。除咗游水，仲有好多水上活動可以玩，例如快艇、水上單車，夠晒刺激！沙灘附近仲有個免費嘅「鵬飛公園」，入面有好多兒童遊樂設施，如果帶住小朋友，呢度絕對係首選！
- 門票： 免費免預約
- 地址：大鵬新區棕櫚大道33號
- 交通：乘坐公交到大鵬中心站後，轉公交到景區
花海間沙灘
呢度嘅特色就係「趕海」，好多人都話喺度可以搵到好多靚靚嘅貝殼同石頭。如果你鍾意慢慢行沙灘，執貝殼，睇日落，呢度就啱晒你啦！不過要注意，呢度嘅礁石比較多，記得要著水鞋，小心唔好整親腳啊。
- 門票： 免費免預約
- 地址：大鵬花海間休閒吧
-
交通：導航到花海間休閒吧可到
較場尾沙灘
呢個係大家都好熟悉嘅景點啦，但係依然好推薦！最正嘅係可以喺度睇海上日出，真係靚到好似幅畫咁。而且佢對面就係大鵬所城，一次過就可以玩晒兩個深圳嘅地標。假期嚟呢度住民宿，體驗一下慢活嘅節奏，真係好舒服。
- 門票： 免費免預約
- 地址：大鵬新區大鵬街道鵬城村較場尾
-
交通：市區坐公交到大鵬中心站，轉乘公交到較場尾站下，步行可到沙灘
東涌沙灘
如果你想搵一個水質特別好，好似玻璃咁清澈嘅海灘，東涌絕對係首選！海水係好純粹嘅藍色，一眼就愛上。雖然要俾少少入場費，但係絕對值回票價，可以盡情享受呢個絕美嘅海景。
- 門票： ¥30（維護費）
- 地址：大鵬新區南澳街道東湧村
-
交通：乘坐公交到大鵬中心站，轉乘M231路到東湧浴場公交站
【深圳海邊沙灘推介】鹽田篇
鹽田嘅海灘交通非常方便，好多都可以直接搭地鐵，係市區朋友嘅好選擇。
溪涌度假村
呢度係一個好適合帶小朋友去玩嘅地方，環境比較清幽，人唔多，沙灘好乾淨。喺炎熱嘅夏天，可以喺度搵張沙灘椅，吹住海風，聽住海浪聲，真係超級享受。
- 門票： ¥20
- 地址：深圳市大鵬新區葵湧街道
- 交通：附近公交站溪湧度假村站、溪湧小學站
大梅沙沙灘
大梅沙係深圳人熟悉嘅「老朋友」，最正嘅就係地鐵直達，唔使轉車，超級方便！而且佢係免費開放，隨時都可以嚟。如果你唔想同人逼，可以試吓早啲去，清晨嘅大梅沙人少好多，風景仲特別靚，有種完全唔同嘅感覺。
- 門票：免費免預約
- 地址：鹽田區梅沙街道梅沙社區鹽梅路路東
- 交通：地鐵8號線大梅沙站A/B出口都可到
