【深圳牛肉火鍋2024】深圳必食5間牛肉火鍋(打邊爐)合集 教你食刁鑽部位 另附椰子雞+麻辣火鍋推薦
好多朋友北上最想食嘅當然係——火鍋(港人一般叫打邊爐)而最最有名又適合港人口味的當然係潮汕牛肉火鍋，雖然香港都有好多靚牛肉，但係又近兼且人均唔到100蚊就可以食到新鮮又抵食的牛肉火鍋，去到深圳當然要食返餐過下癮。
判斷一間「合格」的牛肉火鍋
就算遇唔到以上幾間品牌連鎖，去到深圳隨便搵到一間牛肉火鍋，都教返大家點樣判斷係唔係一間『合格』的牛肉火鍋店：
- 睇係咪用清水或者牛骨做湯底，因為這樣可以品嚐出牛肉新唔新鮮
- 點乾炒牛河或者濕炒牛河試下好唔好食，如果炒河都非常好食基本菜品都唔差
- 睇有無五花趾、三花趾、吊籠、胸口油、雪花，呢幾款牛身上比較稀有的刁鑽部位，如果呢幾款都冇真係唔算一間合格的牛肉火鍋店。
- 是否有手打牛肉丸(生丸)，因為生的牛肉丸非常難保存，基本都係即日打好少份量，而且現煮真係比普通牛肉丸彈牙好多！有心機做好品質的店都會提供生丸
經過我食咗好多間牛肉火鍋又問咗唔少深圳朋友，介紹返幾個常見係商場就可以搵到並且複合以上「合格資質」的牛肉火鍋店。
而且大家選擇好牛肉火鍋店之後都記得上大眾點評或者美團先睇睇最新的團購、代金券優惠，美團及大眾點評優惠購買方法可見：【深圳美食App優惠】攞美團、支付寶、美味不用等3大餐飲平台優惠
（以下排名不分先後）
喜記潮牛莊
喜記潮牛莊都已經係深圳開了十五年之久，而且擁有自己的供貨地所以牛肉品質都非常有保證，而且分店非常之多大多分佈係寶安、南山區，大眾點評幾乎間間店鋪評分都係4分以上，去到寶安、南山的朋友都可以嘗試一下。
人均及推薦菜品
- 人均：110rmb
- 推薦菜：濕炒牛河、吊龍伴、牛展肉
部分分店地址、地鐵站
- 南山西麗店：南山區留仙大道嘉興苑1棟2104號——5號線西麗站F出口
- 龍華紅山店：龍華區紅山六九七九商業中心一期6棟二樓201號-210號商鋪小稻田樓上——4號線紅山站D1出口
- 南山塘朗店：南山區留仙大道3288號寶能環球匯A館3樓L3006-A號——5號線塘朗站
- 光明店：光明新區馬田街道合水口社區松白路4545號大仟裏B區負一樓A棟153-155號商鋪——6號線公明廣場D出口
潮汕大目牛肉火鍋
潮汕大目牛肉火鍋已經有40年歷史21間分店，係深圳當然算牛肉火鍋界嘅前輩。尊品牛肉系列真係令人好難忘，黃牛非常香和嫩。
人均及推薦菜品
- 人均：100-150rmb
- 推薦菜：手打牛肉丸、尊品黃肥牛、花展肉
部分分店地址、地鐵站
- 皇崗旗艦店：福田區皇崗村市場北座1樓（麥當勞正對面）——4號線福民站C出口
- 羅湖店：羅湖區春風路3068號置地廣場一樓——1號線國貿站A出口
- 南山海岸城店：南山區文心五路33號海岸城東座2樓245號（新桃園飯店二樓、華爾街英語旁）——後海地鐵站D出口
- 羅湖蓮塘店：羅湖區蓮塘路168號歲寶.鄰里商場1層13號鋪——2號線蓮塘站A出口
- 寶安西鄉店：寶安區西鄉大道和前進二路交匯西鄉彩虹城1樓——12號線寶安客運站C出口
潮德阿水牛肉火鍋
深圳潮汕牛肉火鍋新貴——潮德阿水牛肉火鍋店，係深圳已經開咗6間，之前非常出名的「巨型牛肉輪盤」就出自潮德阿水，最重要一般都唔使排隊所以都值得嘗試下。
人均及推薦菜品
- 人均：120rmb
- 推薦菜：吊龍伴、五花趾、胸口油
部分分店地址及地鐵站
- 旗艦店：南山區後海濱路3368號鵬潤達廣場西座3樓——11號線後海站F出口
- 福田店：福田區泰然九路21號十畝地皇冠工廠區廠房3棟1層——9號線車公廟F出口
- 深圳總店：南山區石洲中路38號
潮悅牛肉火鍋
潮悅牛肉火鍋係鐘意食牛肉的朋友一定要試下，雖然排隊比較久但係潮悅係難得有雪花部位的牛肉火鍋店，環境同我係汕頭食的都差唔多，鼎力推薦！
人均消費及推薦菜品
- 人均120rmb
- 推薦菜品：雪花牛肉、生牛丸、濕炒牛河
分店地址和地鐵站
- 西麗龍井店： 南山區龍井路龍井綜合樓1樓96號週邊商鋪——7號線龍井站B出口
- 羅湖店：羅湖區翠竹路2123號水貝工業區保稅倉庫附樓3棟1樓——7號線水貝站
- 寶安店：寶安區銀田路松茂禦龍灣2期1層B146-B148號——11號線碧海灣A出口
就犟牛肉火锅
就犟牛肉火鍋雖然分店比較少，但係環境、菜品都中規中矩，上菜都幾快。
人均消費及推薦菜品
- 人均：130rmb
- 推薦菜品：大滿足花趾、吊籠、雪花
分店地址和地鐵站
- 南山高新園店：高新南九道深圳灣創新科技中心1棟A座B1層20、23-26號鋪
除咗以上幾個品牌牛肉火鍋都仲有大家熟悉的「八合裏海記牛肉火鍋」、「潮泰牛肉火锅」，如果係其他城市想食牛肉食八合裏都幾唔錯，但係深圳這個超級競爭非常之大的牛肉火鍋市場，當然要試下其他品牌。
深圳特產——椰子雞火鍋
如果問返深圳特產當然係深圳椰子雞火鍋，除咗牛肉火鍋都介紹返幾間非常有深圳特色的火鍋店，讓大家收穫滿滿唔驚冇嘢食。
同仁四季
南山店地址：南山區金雞路田厦翡翠明珠花園1棟1樓C5室1-22
推薦點：
- 全深圳20+間分店
- 晚上8店後仲有band演唱
- 菜品又非常全，雞好新鮮
百年果林椰子雞
總店地址：寶安區建安一路中國工商銀行對面
推薦點：
- 超級老字號椰子雞
- 榴蓮椰子雞首創、燒烤正
深圳麻辣火鍋
杉姐老火鍋
總點地址：南光社區南山大道1112號綜合樓一層（近南山地鐵口500米左右）
推薦點：
- 環境非常有特色
- 比起傳統火鍋菜品有創新，例如特色四色牛肉就係有四種口味牛肉
- 甜品都好唔錯，例如芋泥抱抱桶非常解辣
楠火鍋
福田店地址：福華一路領展中心城L1層北門週邊（胡桃裏傍邊）
推薦點：
- 有數十間門店
- 九宮格的菜品非常有特色，少量多款品嚐
- 甜品有超大份冰沙
深圳火鍋小結
除了以上的火鍋，當然還有很多類型的例如雲南菌鍋、日式壽喜鍋、北京羊肉火鍋等等，歡迎係深圳逐一品嚐。
