【珠海海泉灣帆酒店】住宿套餐一次玩轉海洋溫泉+神秘島+萌寵樂園
珠海海泉灣帆度假村可以一次玩轉海洋溫泉、神秘島樂園、萌寵樂園和住係珠海海泉灣帆酒店，低至$1200左右就可以玩足兩日。距離港珠澳口岸大概1小時車程就可以到達，建議叫滴滴或者自駕會比較方便，係難得一個即有海岸線又可以有各種樂園、溫泉的地方，23年先開業！
珠海其他相關：
珠海海泉灣帆酒店交通
- 地址：珠海市金灣區平沙鎮海泉灣路801號
- 滴滴/自駕：從港珠澳口岸出發約1小時車程
珠海海泉灣帆酒店預訂
- Klook預訂（連住兩晚85折）：https://www.klook.com/zh-HK/activity/98978-the-pata-hotel-zhuhai/
- Trip.com預訂：https://hk.trip.com/hotels/detail/?cityId=31&hotelId=112812707
- 永安旅遊：https://www.wingontravel.com/hotel/detail?HotelID=112812707
- 價錢參考：凈房$700起、套票$1200起（專門前往建議套票玩樂項目更多選擇）
珠海海泉灣帆酒店客房
珠海海泉灣攻略
海泉灣度假村兩日行程建議
Day1：朝早擼萌寵 → 中午神秘島玩水/無動力設施 → 傍晚浸溫泉睇日落 → 夜探微醺小鎮
Day2：歎酒店早餐 → 海泉灣打卡地中海風情建築 → 手信街買海鮮乾貨
【海洋溫泉：歎住海景浸環球湯池】
一入場就見到超巨型的穹頂溫泉區！室內外有過百個湯池，我建議大家可以試下以下幾個特色池：
- 望海無邊際池：黃昏時浸住溫泉睇日落，仲有海浪聲做BGM，打卡必選！
- 養生藥浴區：當歸池、靈芝泉超濃藥材味，阿媽大讚「抵過買補品」。
- 玩味主題池：紅酒池、咖啡浴好過癮，仲有魚療池俾小魚啄腳皮（怕癢人士慎入）！
【小矮人萌寵樂園：同神獸打卡零距離】
2024年7月新開樂園，原本以為只係普通動物園，點知成個園區似足童話森林，連草泥馬都戴住花花頸圈非常得意！建議去睇~
- 擼寵物館：抱兔仔、摸刺猬球，工作員會教點抱先舒服，小朋友玩到唔捨得走
- 馬車巡遊：每日3場，坐住南瓜車餵梅花鹿，飼料¥10/包都幾抵玩
- 騎矮腳馬：專門為小童起的迷你馬場，有教練拖住行圈安全又好玩！
注意：每個星期一休園！動物下午4點最精神，早到反而可能瞓緊晏覺
【神秘島樂園：尖叫過山車VS無動力王國】
日頭玩刺激設施，夜晚變身燈光派對！
- 機動遊戲黨必玩：垂直極限（跳樓機）、E型戰車（海盜船Pro版），可惜雲霄飛車維修中
- 親子放電推薦：無動力王國新區（2021年開）——巨型飛船滑梯、星空彈網、卡丁車，全部免費任玩！
- 夜遊加碼：18:00後入園直衝「漁人碼頭微醺小鎮」🍻，有英歌舞表演、煙花秀同啤酒遊戲攤位，後生仔聚會一流
【水世界】
夏日先會開放的樂園，要玩就趁早去啦~
