深圳南山區係最靠近香港的區域之一，經深圳灣口岸過關就可以直達南山中心區！深圳南山區雖然到處都有高樓大廈但實際上遍地都係美食而且平價居多，有幾個非常熱門的商場例如深圳萬象天地、來福士商場、海岸城商圈、深圳灣萬象城等等，仲有大家最中意行的前海山姆（最大間但人少）無論商場內或商場外都有隱藏美食。
我都去咗唔少美食店，所以收集分類好，大家記得收藏好呢篇文，去到深圳南山區就知食乜好！
南山區自助餐
牛匠屋（鰻魚/日式燒肉/自助餐）
近期大熱食燒鰻魚，呢間店就有鰻魚+燒肉的放題，最出名係肉質非常好， 厚切牛舌、橫隔膜、牛小排幾十種牛肉、 豬肉、 雞肉同海鮮都可以無限食，牛舌非常嫩、壺漬牛肋條醃製好的牛肉充滿果香，鰻魚都係新鮮現殺。
胃口細的朋友其實可以單點或者點套餐就足夠！一定食記多點給多唔好浪費～
- 店舖名：牛匠屋 活鰻生蠔炭火燒肉放題
- 地址：南山區南山大道1112-10號
- 地鐵：12號線南山站B2出口
- 優惠：大眾點評-燒肉自助餐¥218/位（不含鰻魚）、鰻魚燒肉自助餐¥288/位、2人餐¥298
菜品推介：️橫隔膜、️厚切牛舌、大蝦、精選牛小排、鰻魚
人均：RMB200-300
肉祭燒肉一番（日式燒肉）
有一間深圳人食咗無數次的燒肉—「肉祭燒肉一番」，每次最糾結去唔去食就因為要排隊！雖然4年在深圳開咗11間分店都擋不住它平價又好味所以依然大排長龍。想食的朋友一定記得要提早去排隊，週末一般下午開市之前去門店攞號就可以食到！
- 店舖名：肉祭燒肉一番
- 地址：多間分店地址見 肉祭燒肉一番分店
- 優惠：大眾點評2人餐￥279、4人餐￥509
菜品推介：特選厚切牛舌、超級橫膈膜、和牛五花肉、墨魚香腸、安格斯肋肉、麵包冰淇淋
人均參考：￥150/人
南山區火鍋
長安亭（特色麻辣火鍋/古風/漢服）
發現有間唐風特色的重慶麻辣火鍋店即刻去試食咗，裝修係十足十的古風無論室內室外都有超多燈籠裝飾，甚至可以租古裝影相（當然我未有呢個勇氣 ）都幾吸引。試咗辣鍋+排骨蓮藕湯的搭配，蓮藕湯都幾好飲不過打邊爐就有少少唔搭。食材全部都好新鮮，而且兩個人食都係二百幾，當然仲有好貴嘅食材就豐儉由人~
- 店鋪：長安亭院重慶火鍋
- 地址：南山區南新路2081號
- 地鐵：11/12號線南山站H出口600m
- 營業時間：11：00-14：00、17：00-次日凌晨1：00
- 優惠：大眾點評-￥47.5代￥50、雙人套餐￥256、四人餐￥488
- 線上排位：微信小程序搜索「長安亭院重慶火鍋」
菜品推介：雞蛋嫩牛肉、精品肥牛、自製貢菜丸子、手工豆腐花（解辣）、安徽貢菜、生蠔
人均：RMB100-200
林鮮記雞煲
大家都食開椰子雞、燜雞煲，但近期可以轉轉口味就可以試下「無花果雞煲」，清甜完全唔肥膩，雞肉都係走地雞肉質新鮮雞皮脆口！最重要的一點就可以大眾點評上面排隊，完全唔擔心排隊問題。
- 店鋪：林鮮記雞煲
- 地址：南山區沙河街道博耐傢具石洲中路160-14
- 地鐵：1號線白石洲站D步行300米
菜品推介：無花果雞煲（包含湯底+一隻雞）、紫菜海鮮炒飯、脆皮蝦餅、台山生蠔、濕炒海鮮粿條、鹹蛋脆皮肥腸
人均：100元/人
