【大陸旅遊app2026】輕鬆規劃大陸旅遊行程！預訂酒店/景點門票/地圖/搵路線全攻略

【大陸旅遊App2026】輕鬆規劃大陸旅遊行程！預訂酒店/景點門票/地圖/搵路線全攻略

最近有網友表示用香港旅遊平台去預訂內地酒店平台容易被取消，或者去到酒店先知未有預訂上，咁其實內地都有常用旅遊平台供大家預訂酒店、機票等，價格相比香港平台預訂可能更實惠，並好少遇到被取消的情況。

內地常用App合集：內地必備APP

大陸訂酒店/機票/門票 App：飛豬/攜程/去哪兒

如果你想搵最齊嘅大陸預訂平台，以下呢三個 App 一定要下載：

飛豬 (Fliggy) — 阿里巴巴旗下、會員福利最勁

官網：https://www.fliggy.com/

• 最強用途： 酒店促銷（特別係雙 11、618 期間）、酒店會員挑戰

• 深哥貼士： 飛豬 F3/F4 會員可以挑戰萬豪白金卡，住夠 8 晚就送早餐！而且支援「先住後付」，信用分夠高連押金都唔使。

• 支付方式： 支付寶（內地版）

攜程 (Ctrip) — 內地版 Trip.com、功能最全面

官網：https://www.ctrip.com/

• 最強用途： 預訂酒店、民宿、演唱會+酒店套票、門票等

• 優點： 內地 Airbnb 退出後，攜程嘅民宿選擇最齊。如果你想搶周杰倫、鄧紫棋演唱會飛，佢哋嘅「食住行」套票通常易搶過單買飛。

• 支付方式： 支付寶、微信支付（香港錢包 OK）、雲閃付

去哪兒 (Qunar) — 窮遊首選、價格底線

官網：https://flight.qunar.com/site/

• 最強用途： 酒店和機票價錢通常都比較抵

• 缺點： 雖然平，但好多特價房係「不可取消」，落單前一定要睇清楚！

大陸地圖 App 推薦：高德/百度/騰訊地圖

喺大陸用 Google Map 定位通常有偏差，搵路一定要裝以下呢幾款大陸地圖 App：

• 高德地圖 (Amap)： 港人最推！佢嘅路口 3D 圖示好清楚，行複雜交匯處都唔會行錯。仲支援「廣東話導航」，而且可以直接喺入面 Call 滴滴，唔使跳 App；另外都可以call車，再使用alipayHK支付

• 百度地圖： 步行導航同埋「室內地圖」較強，如果你去大型商場搵某間鋪頭，百度地圖會詳細啲；同樣可以使用call車功能

• 騰訊地圖：微信內置地圖都係用騰訊地圖

大陸行程規劃 App：小紅書搵路線攻略

點解話小紅書係最強嘅大陸行程規劃 App？小紅書有好多真人和kol進行分享全國各地旅行路線，無論三日、五日都可以搵到適合自己的計劃做參考，也非常多當地旅行團可以資訊

• 實時路況與排隊情報： 搜尋「[景點名] 現狀」，可以睇到當日人流、排隊要幾耐

• 「懶人路線」： 例如搜尋「[城市名] 三日兩夜」，會有大量博主幫你排好晒路線，連點樣轉車、邊個出口出最快都有圖有片，比旅遊書更貼地

• 搵食不踩雷： 睇評價一定要睇最新嘅「避雷」貼士，避開專劏遊客嘅餐廳