深圳賞花好去處|深圳2024賞花地圖 附交通方法
已經到春天來臨的時候，深圳大街小巷都已經開滿花，品種繁多而且非常出片快啲帶朋友仔一齊打卡！
深圳賞花地圖|仙湖植物園—蝦子花
仙湖植物園絕對係深圳最值得打卡地點之一，每個時期都有唔同的花海可以睇，春天就可以睇大片的蝦子花，入場門票非常低仲可以去隔離弘福寺祈禱。
- 地址：仙湖植物園化石森林廣場
- 交通：地鐵2/8號線仙湖路站C出口
深圳賞花|梧桐山杜鵑花
鐘意行山的朋友都可以去深圳最高峰—梧桐山打卡，仲可以睇到滿山的杜鵑花海，除咗杜鵑仲有豆梨、吊鐘花、深山含笑、紅花荷盛開，踏青最佳。
1️⃣毛棉杜鵑
最佳賞花點：杜鵑谷、萬花屏
最佳賞花時間：3月中下旬
2️⃣吊鐘花
最佳賞花點：杜鵑谷、金鐘鬧春、大梧桐頂
最佳賞花時間：本周至3月初
3️⃣深山含笑
最佳賞花點：大梧桐含笑谷
最佳賞花時間：本周至2月底
- 地址：深圳市梧桐山風景名勝區
- 地鐵：2號線（8號線）梧桐山南站D口
- 巴士站：梧桐山南捷運站
深圳賞花|荷蘭花卉小鎮
從2月22日開始已經重新種下鬱金香吸引非常多人，從正門進入行到噴泉廣場，右轉可以見到風車草坪。
- 最佳賞花期： 鬱金香花期短暫，賞花需趁早
- 地址：前海公園荷蘭花卉小鎮
- 交通地鐵：1號線大新站B口
深圳賞花|香蜜花園月季花
香蜜花園3萬呎的月季花海已經盛開，從香蜜公園婚禮禮堂小石路行過去就可以發現「月季+玫瑰」花海！
- 地址：福田區農園路30號香蜜公園內
- 交通：地鐵7號線農林站C出口
深圳賞花|觀瀾湖櫻花節
觀瀾湖生態運動公社舉辦「2024觀瀾湖第八屆櫻花節暨新春桃花展」即日起至3月10日都可以見到1200棵櫻花、300棵桃花，不過需要門票約￥65
- 地址：深圳市龍華區觀瀾街道高爾夫大道1號觀瀾湖生態運動公社
- 交通：深圳地鐵4號線觀瀾湖站A出口
