【華強北美食】華強北6間必食隱藏小店附交通方法超正宗潮汕菜+打工人豬腳飯+西安肉夾饃

文章目錄快捷鍵

Send埋俾你朋友!

華強北除咗非常出名的電子城其實仲隱藏咗好多平價美食，行完電子城就啱好可以食返幾間來自潮汕、金華、甚至西安的傳統美食。

華強北最火豬腳飯—華強隆江豬腳飯

深圳打工人必備的豬腳飯，又實惠份量又多當然係打工人最佳選擇，一份飯人仔20-30加一份3蚊的苦瓜湯，軟糯的豬腳吸收咗濃濃的滷汁，配料有酸菜、卷章解膩，睇見都流口水！

潮州菜令人印象最深刻莫過於滷水鵝配一碗番薯粥，十足的鹹香配上清甜的粥水，打冷也有很多選擇，可以明檔窗櫥直接落單。

開在華強北地鐵口的煎餃店每日11點開始就有人排隊。每日新鮮包的上千個煎餃，現點現煎配上辣油同醋真係一下就食嗮！

唔少人應該都知道西安最出名當然有肉夾饃同西安涼皮，呢間店專門做西安最傳統的餐食，一套「三秦」有肉夾饃+涼皮+冰峰滿足對碳水需求，喜愛碳水的朋友唔好錯過！

去過長三角一帶的朋友唔知有無食過呢種汁水豐富的爆炒麵，特別係「腰花炒麵」想去腥都幾麻煩，所以係深圳可以食到一碗手工麵+正宗爆炒做法的炒麵非常難得。

呢間店已經開咗十幾年雖然叫腸粉王，但實際上最熱門係潮汕炸物。每日下午3點開始炸雞亦、炸豆腐同各種潮汕特色小食，豆腐搭配傳統韭菜水，酥脆香滑。