【深圳口岸商場】24間鄰近地鐵大型商場 交通+美食+親子好去處推介

【深圳口岸商場】24間鄰近地鐵大型商場 交通+美食+親子好去處推介

深圳商場作為「深圳特產」之一無論深圳本地人或港人都必會去的地方，每次過完關都唔知去邊個商場就可以睇返呢篇口岸附近商場攻略，一共24個商場而且介紹商場特色+商場交通+美食店鋪，包括羅湖口岸、蓮塘口岸、福田口岸、皇崗口岸、深圳灣口岸、深圳北站大家經過最多的口岸。而現在去深圳商場都可以使用WeChatPayHK、AlipayHK嚟支付，拎埋商場優惠券甚至免費電話卡！

羅湖口岸附近商場—羅湖區

羅湖口岸最近地鐵站係1號線羅湖站，從東鐵線出關就可以搭地鐵

金光華廣場

金光華廣場有1號線地鐵接駁可以直接從羅湖口岸搭地鐵到，已經開咗好多年唔係特別豪華的商場但勝在好多食肆，B2層就係港人最愛去的地方非常多食肆+奶茶鋪。

• 距離羅湖口岸：1.2km
• 地鐵：1號線國貿站A口（從羅湖站C出口直達國貿站A出口，1個站約5分鐘）

推介打卡店

1. 舟市水產自助餐—海鮮榴蓮自助餐
2. 山禾田—創意平價日料
3. 姜虎東白丁烤肉—韓式烤肉
4. 其他餐飲店：海底撈、太二酸菜魚、阿嬤手作、費大廚

 

KKMALL京基百納空間

KKMALL都係羅湖人比較鐘意去的商場，食肆店鋪比較齊全而且有傢具店、運動裝備店都係經常會去，而且距離1號線大劇院200米左右都比較快行到。

• 距離羅湖口岸2.1km
• 地鐵站：1號線大劇院200米(1號線羅湖站直達大劇院站，3個站約15分鐘)

推介打卡店

1. 海門魚仔—潮汕打冷店
2. 北京羲和雅苑烤鴨坊—正宗北京烤鴨
3. 肉祭燒肉一番—超人氣日式烤肉店
4. 迪卡儂—平價運動裝備店
5. 其他：太二酸菜魚、宜得利傢具（日式宜家傢具店）、慫火鍋（E人火鍋店）

 

深圳萬象城

作為深圳最高level商場就係奢侈品聚集地點，而港人前往萬象城購物部分商店可以進行退稅（約8-9%）可能平過香港。深圳購物退稅

• 距離羅湖口岸2.2km
• 地鐵：1號線大劇院F出口360米（1號線羅湖站直達大劇院站，3個站約15分鐘）

推介打卡店

1. 畔尼意麵—平價意麵店
2. ZAFFERANO西班牙海鮮飯—正宗西班牙菜
3. Leclair de Genie閃電巴黎—特色泡芙店
4. 炳勝品味—粵菜天花板
5. 其他：閩和南福建菜、LUNEURS（上海著名的雪糕店)、小山日本料理

 

萬象食家

萬象食家係華潤旗下新開的商場品牌，建築比起其他商場更有特色食肆占據大多數，而且只開咗兩年仍然不斷入駐新的商店，兼且有一間超大盒馬鮮生，過嚟食餐飯+行商場就好合適。

• 距離羅湖口岸5.1km
• 地鐵：7號線筍崗站A出口300米（1號線羅湖站—搭到老街站轉3號線—搭到田貝站轉7號線再搭到筍崗，共7個站約35分鐘）

推介打卡店

1. 潮發潮汕牛肉店—汕頭牛肉火鍋
2. 順意順德家鄉菜—順德菜
3. 乾杯燒肉居酒屋—日式燒肉
4. SAANCI山池咖啡—人氣咖啡店
5. 其他店：TUTUMOMO（親子DIY）、Lollypet寵萌樂園、盒馬鮮生

 

蓮塘口岸附近商場—羅湖區

蓮塘口岸商業城/蘭亭國際Mall

蓮塘口岸商業城和蘭亭國際Mall都緊鄰蓮塘口岸，對想買「手信」返港的朋友比較友好，不過基本都係快餐/小店，而蘭亭國際Mall就會有一些大的食肆。而且蓮塘商業城有齊中國銀行、各種電話電信廳，想辦理賬戶、電話卡都方便！

• 地鐵：2號線蓮塘口岸A3出口

推介店鋪

1. 大牛火鍋—牛肉火鍋店
2. 啫火啫啫煲—廣東特色
3. 泰禾灣—泰國料理
4. 其他：瑞幸咖啡、給你一點甜手工糯米糍、kumokumo芝士蛋糕

KKTIME

KKTIME都係新開兩年唔到的商場，位於深圳黃金水貝城之中，所以一層都有很多黃金專賣店，而目前KKTIME亦都有多間人氣食肆並且排隊的人不多，如果大家唔想排隊都可以嚟呢個Mall。

• 距離蓮塘口岸6.8km
• 地鐵：3號水貝站B出口500米（從蓮塘口岸地鐵出發要轉3次車，唔建議）
• 巴士：M364羅湖體育館2站—水貝地鐵站（羅湖體育館距離蓮塘口岸約500米，搭1個站全程20分鐘）

推介店鋪

1. 悅得閒—飲茶好去處
2. Labaker—深圳知名麵包鋪
3. 潤園四季—深圳特產
4. 外婆家—平價杭州菜
5. 元初—人氣超市
6. 其他店鋪：農耕記（湖南小炒）、白玉串城、茉莉奶白

喜薈城

喜薈城都算羅湖區老牌商場，唔會特別多人但又有飲茶、超市可以慢慢嘆慢慢行。

• 距離蓮塘口岸3.9km
• 地鐵：5/7號線泰安站C出口800米（2號線蓮塘口岸地鐵站出發到黃貝嶺轉5號線太安站）

推介店鋪

1. AEON—內地AEON經常有特價
2. 摩打食堂—廣州超人氣創意日式料理
3. 西塔老太太泥爐烤肉—東北烤肉、服務非常好
4. 吳莊—平價但失精緻的江浙菜
5. 聖豐城酒家—深圳飲茶老字號
6. 其他店鋪：四季椰林椰子雞、漁惑中山脆肉皖火鍋

---

福田口岸附近商場（近福田高鐵站）—福田區

其實皇崗口岸和福田口岸、福田高鐵站相差都唔算遠，而且福田口岸、皇崗口岸、福田站都接駁咗地鐵，去邊間商場其實都好近。

福田口岸接駁地鐵4號線福田口岸。

福田Coco Park

CocoPark應該係嚟福田都必定會行的地方，平時都好多品牌活動（巨型popmart）喺cocopark舉行，無論餐飲或休閒都非常齊全，有一期二期兩個區域，一期為主有食肆、酒吧街，二期主要為服飾、美容院等。

• 距離福田口岸5km
• 地鐵：1號線購物公園180米（4號線福田口岸搭到會展中心—轉1號線購物公園站，經3個站約15分鐘）

推介店鋪

1. Coco Park酒吧街—適合小酌
2. P3 by pLeace—特色brunch
3. 食冶海鮮放題—深圳高分自助餐
4. 麻六記—深圳第一間麻六記
5. 18號酒館—精釀+西餐
6. 其他店鋪：西塔老太太烤肉、膽道（海膽日料專門店）、haxnbauer海森堡德古餐廳

卓悅中心ONE AVENUE

深圳One Avenue卓悅中心距離福田口岸、高鐵福田站都非常近，唔少香港朋友經福田必去之地就有卓悅中心、Coco Park、領展中心城、皇庭廣場等。咁其實卓悅中心就已經非常大而且經常舉辦市集同各式活動在中央大街上，非常適合大家行街食飯的綜合型商場！

• 距離福田口岸3.5km
• 地鐵：1號線崗廈地鐵站300米（由10號線福田口岸站搭到崗廈站，2站約4分鐘）

推介店鋪

1. 脆鮮生—順德脆肉皖火鍋
2. 小炳勝—精緻粵菜
3. 隱廚—湘菜
4. 南鄉·精功順德菜—順德菜
5. 熊貓燙火鍋—四川火鍋
6. 其他店鋪：Auvers西餐、the eating table西餐、一樓半by KNOCKCUP—西餐（氛圍好）

深業上城

深業上城最有特色就係街區式的商場，而MUJI酒店就喺樓上非常適合周末嚟小住一晚。

• 距離福田口岸5.6km
• 地鐵：10號線冬瓜嶺站E出口（由10號線福田口岸搭到冬瓜嶺，全程5個站約20分鐘）

推介店鋪

1. 蘑界野生菌石鍋雞—雲南菜
2. RMK Cocktail bar—深圳年輕人最愛打卡清bar
3. 叫蠔—刺身生蠔專門店
4. Ole—華潤旗下超市
5. 其他店鋪：漁語魚酸菜魚、迪卡儂（平價運動配飾）

領展中心城

領展中心城最近都為港人帶嚟非常多福利，開咗非常多新的食肆同專屬福利，例如領取代金券、中國電信卡、回鄉證福利，前往領展中心城之前記得睇。

• 距離福田口岸4.3km
• 地鐵：4號線會展中心B出口200米（由4號線福田口岸搭到會展中心，經2個站全程10分鐘）

推介店鋪

1. 吳莊—平價烤鴨
2. 順德公—廣東豬肚雞
3. 碼頭見—潮州打冷
4. 漁舶匯蒸汽活海鮮—榴蓮/海鮮自助
5. 幸福小串—烤串
6. 其他店鋪：同仁四季椰子雞、楠火鍋重慶麻辣火鍋、魅KTV

中洲灣C Future City

中洲灣喺福田啱開的一個商場，所以整體人流都比較少而且都行一個比較特別的風格，上面兩幅圖都睇到裝修都比較別緻比較潮，所以都好多值得打卡的地方。平時都好多唔同的活動，例如海賊王展、各種idol大屏。

• 距離福田口岸7.6km
• 地鐵：7號線上沙站A出口900米（由4號線福田口岸站搭到福民站—轉7號線搭到上沙站，經5個站全程約20分鐘）

推介店鋪

1. 春廬ChunLounge—新式川菜，黑珍珠入圍餐廳
2. SOSOUL Brunch—餐酒館
3. 臻金海苑—粵式精緻酒樓
4. 葭喜冰室—份量足、價格平

印力中心—福田山姆

北上熱度曾經最高的山姆商場就喺福田印力中心旁邊，所以去福田山姆可以行街+行商場。

• 距離福田口岸9.6km
• 地鐵：2號線僑香B出口750米（由4號線福田口岸站搭到市民中心站轉乘—2號線搭到僑香站）

推介店鋪

1. 山姆超市
2. 珍祿—精緻粵菜
3. 黑金燒鳥—平價燒鳥店
4. 北村精犟東北菜—傳統東北菜
5. 其他店鋪：泰適SPA館、千葉壽喜鍋自助、湊湊火鍋

皇崗口岸附近商場—福田區

皇崗口岸接駁7號線皇崗口岸站，雖然過天橋都比較麻煩不過係唯一一個24小時通關口岸。

皇庭廣場

皇庭廣場都作為一個資歷非常老的商場，有非常多好食好玩的地方，而且針對港人仲有一系列優惠，皇庭廣場食肆真的非常值得去。

• 行車距離皇崗口岸3.9km
• 地鐵：4號線會展中心C出口（由7號線皇崗口岸搭到福民站轉乘—4號線會展中心）

推介店鋪

1. 鮑螺萬侑—鮑魚雞火鍋
2. 雪鄉情東北菜—超正宗東北菜
3. 李師傅脆肚—大眾點評必食榜上榜！酸辣開胃的脆口豬肚
4. 摩打食堂—廣東日料人氣王
5. 御牛紀岩烤牛排—性價比超高牛排
6. 芸山季—超鮮雲南野生菌火鍋
7. 其他店鋪：Fufuland舒芙蕾店、一個貝果、酥禧塘老式手作糕點

---

深圳灣口岸附近商場—南山區

因為深圳灣口岸暫時未接駁地鐵，預計2024年年底通地鐵，所以大家可以選擇巴士或者打車前往商場會更方便，最近的地鐵站為2號線海月站約2.8km，想前往可以乘搭M278/B737於深圳灣口岸a停車場即可乘坐。

深圳灣萬象城

每次從深圳灣口岸一出關口就可以睇到深圳灣春筍大廈非常標誌性的子彈頭，其實就坐落在深圳灣萬象城旁邊，而深圳灣萬象城作為華潤旗下數一數二的大型商場，無論係節日或活動策劃都有驚喜。

• 距離深圳灣口岸3km
• 深圳灣口岸巴士：H516

店鋪推介

1. 馬旺子—川菜館，好辣必食，四川人認證好食的川菜
2. 泰珍薈—精緻泰國菜，環境/服務/出品都超出預期
3. 大董—深圳最正宗烤鴨之一，來自北京品牌
4. LOKAL—簡式西餐，環境、出品都良好
5. 面道鮮師—蟹黃面
6. 老乾杯—熟成牛肉

萬象天地

萬象天地大笨象打卡位應該好多港人都知道，而且位於深圳南山區高新園，周邊都係高樓大廈有影響打卡位神似「曼哈頓」，夠大夠新冷氣足深圳年輕人最愛去的Mall之一。萬象天地有很多內地出名的品牌專門店，例如華為、小米、觀夏等。

• 行車距離深圳灣口岸7.7km
• 1號線高新園A出口（可由2號線海月站搭到世界之窗，轉1號線搭到高新園，全程經7個站約25分鐘）

推介店鋪

1. 慶春樸門—特色素菜
2. 牛排家—約會節日首選
3. 裕蓮茶樓—特色葡撻
4. Belloco倍樂—韓國人開的韓餐
5. 崎本的店—日式吐司
6. Tamacado花廚—氛圍感滿分餐廳
7. 元古雲鏡—新中式風格
8. 其他店鋪：阿嬤手作、閩和南福建菜、OUR Bakery韓式麵包鋪

 

萬象前海—近前海山姆

萬象前海其實就係萬象天地降一個level的商場，人非常少所以食飯都唔多需要排隊，去完前海山姆可以過嚟食飯，不過最好打車前往。

• 行車距離深圳灣口岸9.3km
• 地鐵：5號線桂灣A出口（可從2號線海月站搭到赤灣轉5號線再到桂灣，全程12個站約32分鐘）

推介店鋪

1. 去茶山—貴州最出名的茶飲店
2. 朴裡Sumika bistro—創意日料
3. Ole—華潤旗下超市
4. 潮發潮汕牛肉店—牛肉火鍋
5. 其他店鋪：GAGA、Cycle&Cycle麵包店、湊湊火鍋

寶能太古城all city

南山寶能太古城all city距離深圳灣口岸僅有3公里call車10分鐘就到，所以住新界的朋友從深圳灣口岸過關去南山allcity真係超快捷，比起深圳灣萬象城會更平價，椰子雞/酸菜魚/湖南小炒/八合裡等大家喜愛的品種基本都有，人唔多適合快閃！

• 行車距離深圳灣口岸2.9km
• 地鐵：2號線海月站B出口100米（巴士M278/B737）

推介店鋪

1. 潤園四季椰子雞火鍋（北區2樓）—竹笙椰子雞+煲仔飯必食
2. 海底撈火鍋（北區3樓）—香港半價，記得提前攞位
3. 通透堂中醫—專業中醫按摩
4. David&Bester西餐廳—平價西餐廳
5. 其他店鋪：喜炙香炙養生（刮痧/拔罐）、太二酸菜魚

後海匯

後海匯人流比較少而且距離地鐵唔算遠，如果唔想去人多的商場不妨嚟後海匯，餐飲價格人均唔高排隊都好少仲有個KTV，想唱k食飯可以選擇呢個商場。

• 地鐵：2號線後海站A3出口400米
• 行車距離深圳灣口岸3.5km

推介店鋪

1. 半島名軒—精緻粵菜海鮮
2. 姜虎東白丁烤肉—韓國烤肉
3. Tagsiu精釀餐酒館—特色精釀
4. 米樂怪怪貓咪咖啡館—貓咖
5. 星聚會KTV—平價KTV

海岸城

海岸城商圈最吸引人的地方係吃喝玩樂非常齊全，如果想行街買大家鐘意的商品海岸城購物中心即可滿足，戲院足足有三間，非常符合大家行一日的好去處。

• 行車距離深圳灣口岸4.9km
• 地鐵：2號線後海站E2步行600米

店鋪推介

1. 安三胖烤肉—韓式烤肉店
2. 79號漁船—平價海鮮
3. 脆鮮生—脆肉皖火鍋
4. 小炳勝—正宗粵菜
5. 鮑師傅—全深第一間鮑師傅
6. By baking—起酥系列非常出色

---

深圳北站附近商場—龍華區

紅山6979

深圳龍華區的紅山6979商場係最近港人中比較熱門的商場，而相比上一年商業都未開齊，最近去紅山6979已經開齊商鋪，特別食市有好多特色餐廳例如火鍋+烤肉自助都只需要￥128，開咗特色的「俄式超市」、同埋大型夾公仔店。

• 距離深圳北站2.7km
• 6號線紅山站D1站270米

推介店鋪

1. 歡樂牧場毛肚火鍋烤肉—自助餐
2. 京坊銅鍋涮—老北京火鍋
3. 納瓦新疆音樂餐廳—新疆餐廳
4. 俄式超市—平價俄羅斯貨品超市

Costco商場—華南第一間Costco

世界著名Costco大型倉儲超市喺深圳開咗華南第一間店，之前都唔少港人都有前往開卡購物，勝在貨物大件而且唔少係商家特供的貨品，便於囤貨同品質更高。

• 距離深圳北站4.3km
• 地鐵：4號線紅山地鐵站A1出口

壹方天地—深圳最大商場

壹方天地係深圳最大的商場食肆就有280間之多，而且龍華山姆都喺隔壁，可以行足成日！

• 距離深圳北站5.8km
• 地鐵：4號線龍華站A出口650米

店鋪推介

1. MEAT吃肉牛排館—精緻西餐
2. SOKO日料—創意日料
3. 北村韓食—烤鰻魚、燒肉
4. 阿娜爾—新疆菜
5. 壹盞燈—長沙排隊王湘菜
6. 卡朋西餐—平價西餐