【深圳MINISO LAND】東門3層高超大型旗艦店登陸！打卡掃貨全攻略
平時週末返深圳玩，去東門都係掃街食嘢多？最新開幕嘅東門MINISO LAND 絕對係今期必去嘅打卡新地標！呢間全新嘅深圳MINISO LAND旗艦店，足足有3層高！為大家奉上最詳盡嘅「樓層打卡＋掃貨指南」
其他深圳相關
出發東門MINISO LAND
- 地址：東門步行街名仕商城 (一入步行街好易搵到，超級搶眼)
- 交通：搭深圳地鐵 1號線/3號線到 老街站，出站直達，非常方便！
東門MINISO LAND 3層樓層打卡掃貨指南
1F：爆款集中地 ＋ 城市限定周邊
一踏入門口，嘩！即刻被超巨型嘅 YOYO 打卡裝置 吸引住，超有霸氣，一入去已經要準備狂㩒快門！
- 人氣IP大集合：呢層簡直係毛公仔控嘅天堂！近期紅到發紫嘅 Chiikawa (吉伊卡哇)、仲有歷久不衰嘅 Sanrio (三麗鷗) 家族，各種公仔堆到成座小山咁高，見到真係會忍唔住攬住影相！
- 深哥推介：嚟到 東門MINISO LAND，記得留意佢哋嘅城市限定商品，買返香港做手信或者自用都一流，出面買唔到㗎！
2F：沉浸式 IP 夢幻天堂
呢層完美還原咗多個經典 IP 場景，根本就係一個微型嘅室內主題樂園！
- 魔法與童話交織：哈利波特 (Harry Potter) 粉絲一定會瘋狂！魔杖、四大學院嘅校服周邊應有盡有。旁邊仲有迪士尼同《反斗奇兵》(Toy Story) 等熱門 IP 集合專區。
- 打卡位滿佈：每一處嘅裝潢同陳列都極具心思，燈光打得超靚，喺呢個 深圳MINISO LAND 隨手影都係呃 Like 靚相！建議大家著淺色衫嚟影，出嚟效果會更加有童話感。
3F：超治癒生活館 ＋ 一站式補給站
喺下面兩層行到攰攰地？上嚟三樓就可以慢活一下啦！呢層主打高顏值又實用嘅生活好物，最啱精打細算嘅朋友。
- 放鬆身心：一上到嚟就聞到陣陣香味～呢度有個超治癒嘅香薰區，可以慢慢試香，揀返款啱心水嘅味道擺喺房。
- 平靚正掃貨：美妝工具、衫褲帽襪、文具、收納用品一應俱全。小編私心推薦佢哋嘅美妝蛋同即棄洗面巾，性價比極高，絕對係一站式囤貨好地方！
