【珠海拱北酒店2026】步行5分鐘過關！10間近口岸高CP值住宿推介：麗芮/亞朵/IHG 附交通攻略
正在尋找高 CP 值的珠海拱北酒店推介？近拱北口岸係珠海人氣最高、交通最方便的核心地帶！選擇住在拱北，不僅可以輕鬆實現「珠澳兩地遊」，另外關口連接珠海高鐵站，搭的士 10 分鐘即達九州港碼頭，前往港珠澳大橋口岸亦只需 20-30 分鐘，交通十分方便。
除了交通優勢，拱北一帶亦集中了大量珠海地道美食與休閒玩樂設施，是港人北上的必經之處。小編為大家精選了 10 間珠海拱北酒店推介，涵蓋麗芮、亞朵及 IHG 旗下品牌，人均只需 HK$200-500 左右，絕對是精明之選！
其他相關
使用Hopegoo App內地酒店95折優惠碼【HSRBEE】
珠海拱北酒店快速比較
| 酒店名稱 | 主打特色 | 距離口岸 | 參考房價（HKD） |
| 麗芮 (Radisson RED) | 年輕型格、網紅打卡 | 步行 5 分鐘 | $360-600 |
| 拱北口岸亞朵 (Atour) | 零伏保證、床品舒適 | 步行 10 分鐘 | $380-450 |
| 仁恒洲際 (IHG) | 頂級奢華、無敵海景 | 的士 5 分鐘 | $900-1200 |
| 智選假日 (Holiday Inn) | 商務實惠、包早餐 | 步行 15 分鐘 | $350-500 |
| 棕泉水療 | 港人至愛、按摩過夜 | 的士 5 分鐘 | $350-500 |
珠海拱北酒店推介|珠海拱北口岸麗芮酒店 (Radisson RED Zhuhai Gongbei Port)
- 年輕潮流之選：紅色美學打卡必去 4.7/5
- 參考價錢：約 HK$360- HK$600 / 晚
- 地址：珠海香洲區僑光路169號（近拱北口岸）
- 距離拱北口岸：步行5-8分鐘
深哥推介：麗芮係近年珠海極速爆紅嘅網紅酒店，主打型格紅色設計，非常適合喜愛影相的朋友去打卡！酒店位置極佳，行去拱北口岸或者珠海高鐵站都只係5分鐘路程。
房間設計充滿科技感，部分高層房型仲可以望到澳門新葡京同珠海夜景。最正係佢個 Lobby 同 Bar 嘅氛圍好好。因為人氣比較高，假期房價會升得比較快，建議提早book房
珠海拱北酒店推介|珠海拱北口岸高鐵站亞朵X酒店 (Atour Hotel Zhuhai）
- 文青舒適首選：人文氣息濃厚 4.8/5
- 參考價錢：約 HK$380 – HK$450 / 晚
- 地址：香洲區拱北僑光路196號
- 距離拱北口岸：步行10-15分鐘
深哥推介：我個人返大陸一般都會優先揀亞朵，呢間亞朵位於拱北核心區，依然保持品牌一貫嘅溫暖木系風格同亞朵自家床品保障睡眠。
珠海拱北酒店推介|珠海仁恒洲際酒店 (InterContinental Zhuhai)
- 極致奢華享受：無敵海景+無邊際泳池 IHG集團
- 參考價錢：約 HK$900 – HK$1,200 / 晚
- 地址：珠海香洲區情侶南路1號
- 距離拱北口岸：的士約5-10分鐘
深哥推介：如果你預算充足，或者係一個IHG酒店玩家，可以揀仁恒洲際！酒店位置位於情侶南路，直面港珠澳大橋同澳門海景。最屈機係佢個露天無邊際泳池（Infinity Pool）好適合影相。
樓下就係仁恒濱海中心，食飯行街都方便。雖然價錢貴啲，但服務同硬件設施絕對係珠海頂級水平，適合情侶慶祝紀念日。
珠海拱北酒店推介|珠海拱北智選假日酒店 (Holiday Inn Express Zhuhai Gongbei)
- 商務實惠之選：包早餐性價比高 IHG集團
- 參考價錢：約 HK$350-HK$500/晚
- 地址：珠海香洲區拱北僑光路186號
- 距離拱北口岸：步行10-15分鐘
深哥推介：同樣係 IHG 旗下，但智選假日 (Holiday Inn Express) 走親民路線。最大優點係房價通常已包含早餐，而且早餐質素以快捷酒店嚟講算唔錯，有中西式選擇。
酒店位置位於口岸附近，但行過去都係 10-15 分鐘左右，附近好多食肆同按摩店。房間裝修簡約乾淨，如果你大部份時間都係出面玩，只需要一個乾淨舒服嘅地方瞓覺，呢度 CP 值極高。
珠海拱北酒店推介|珠海來魅力假日酒店 (Zhuhai Charming Holiday Hotel)
- 地利之王：出關即達，懶人最愛
- 參考價錢：約 HK$400 – HK$600/晚
- 地址：珠海香洲區圍基路32號（拱北口岸對面）
- 距離拱北口岸：步行2-5分鐘
深哥推介：酒店2020年有重新裝修，房間夠大，部分房型有望海景觀。樓下就係來魅力壁畫村同地下商場，搵食超級方便，從拱北口岸步行前往僅需幾分鐘。
珠海拱北酒店推介|珠海龍珠達國際酒店 (Longzhuda International Hotel)
- 交通樞紐旁：近高鐵站方便轉乘
- 參考價錢：約 HK$380-HK$600/晚
- 地址：珠海香洲區昌盛路66號
- 距離拱北口岸：步行5-8分鐘
深哥推介：如果你打算以珠海為中轉站，搭高鐵去廣州、珠海長隆或者其他城市，龍珠達係個好選擇，因為佢就喺珠海高鐵站隔離，行過去好近。酒店樓下就有不少餐廳（例如肯德基、茶餐廳），非常方便。
房間空間感足夠，衛生情況亦令人滿意。佢雖然唔係國際大牌，但係珠海本地口碑幾好嘅商務型酒店，性價比唔錯。
珠海拱北酒店推介|珠海棕泉水療酒店(Palm Spring Hotel)
- 港人最愛：主打水療按摩SPA
- 參考價錢：約 HK$350 – HK$500 / 晚
- 地址：珠海香洲區拱北僑光路220號
- 距離拱北口岸：步行10-15分鐘，的士5分鐘
深哥推介：珠海老牌酒店，好多港人都識！棕泉最大特色係佢嘅「東方御宴」同埋水療設施。好多套餐係包埋按摩或者桑拿，如果你去珠海嘅目的純粹係想鬆一鬆、按個摩、食下野，呢度可以足不出戶滿足你。最開心係酒店有提供往返口岸嘅接駁車！
珠海拱北酒店推介|珠海粵海酒店 (Guangdong Hotel Zhuhai)
- 經典老牌四星：旋轉餐廳睇夜景
- 參考價錢：約 HK$310 – HK$470/晚
- 地址：珠海香洲區粵海東路1145號
- 距離拱北口岸：的士前往10分鐘
深哥推介：粵海係珠海非常經典嘅四星級酒店，位於繁華嘅蓮花路步行街附近。雖然係老牌酒店，但近年有進行過翻新，智能設施（如智能馬桶）都配備齊全。
最出名係頂樓嘅旋轉餐廳，可以360度俯瞰珠澳兩地景色，嘆早茶或者自助餐都一流。周邊超級多野食，宵夜檔、糖水舖林立，係真正體驗珠海夜生活嘅好地方。
珠海拱北酒店推介|珠海金石凱悅嘉軒酒店(Hyatt Place Zhuhai Jinshi)
- 親子遊推薦：近樂園商圈 Hyatt集團
- 參考價錢：約 HK$500 – HK$700 / 晚
- 地址：珠海香洲區前山港昌路258號
- 距離拱北口岸：的士10-15分鐘
雖然距離拱北口岸稍為遠少少（的士約10分鐘），但凱悅嘉軒嘅質素非常有保證。酒店位於中安廣場，樓下有商場，食野買野方便。
最重要係佢距離「珠海夢幻水城」同「圓明新園」好近，如果係一家大細嚟玩，住呢度會方便過住口岸正中心。房間設計現代簡約，有專屬嘅 Sofa bed 角落，空間感大，早餐亦保持 Hyatt 水準。
珠海拱北酒店推介|珠海中海鉑爾曼酒店(Pullman Zhuhai)
- 富華里商圈：型格時尚夜生活
- 參考價錢：約 HK$530- HK$900/ 晚
- 地址：珠海香洲區九州大道西2029號
- 距離拱北口岸：的士10-15分鐘
呢間 Pullman 位於珠海最熱鬧嘅「富華里」商圈入面，雖然唔係痴住口岸，但搭的士好快就到。富華里係一個好似香港 1881 或者上海新天地咁嘅地方，有好多酒吧、西餐廳同潮牌店。
酒店本身設計好 Grand，房間風格偏商務時尚。如果你怕口岸附近太雜太嘈，想住得有 Quality 啲，夜晚又想落樓下飲杯野 Chill 下，呢度係不二之選。
珠海拱北住宿常見問題 (FAQ)
Q1：咁多間珠海拱北酒店，邊間離口岸同高鐵站最近？
A： 如果你想「行少兩步」，珠海來魅力假日酒店 係首選，佢正正喺拱北口岸對面，過馬路就到。其次係 珠海龍珠達國際酒店 同 麗芮酒店 (Radisson RED)，行去高鐵站或口岸大約只需 5-8 分鐘，非常方便。
Q2：拱北口岸附近治安好唔好？會唔會好雜？
A： 拱北係珠海最人多熱鬧嘅地方，基本上治安無問題，周圍都有公安巡邏。不過因為人流極旺，環境相對會嘈雜少少。如果你比較注重寧靜同高私隱度，深哥建議你揀 中海鉑爾曼 (Pullman) 或者 仁恒洲際 (InterContinental)，雖然要搭幾分鐘的士，但住宿體驗會舒服好多。
Q3：通常需要提早幾耐預訂？Walk-in 有無房？
A： 內地酒店Walk-in價錢更高，特別係星期五、六同公眾假期，拱北嘅熱門酒店（如麗芮、亞朵）經常爆滿。建議最少 提早 1-2 星期 上 Trip.com或Klook預訂，鎖定優惠價錢。
Q4：由港珠澳珠海口岸去酒店，搭的士定 Call 車方便？
A： 建議用 App Call 車（如滴滴出行、高德地圖）。雖然口岸的士站有的士，但有時要排長龍。千祈唔好搭路邊兜客嘅「黑車」，好容易被劏。
Q5：珠海酒店可以用香港支付寶 (AlipayHK) 或 WeChat Pay HK 俾錢嗎？
A： 依家大部份大型酒店（如文中介紹嘅 10 間）都收 AlipayHK 同 WeChat Pay HK。不過，部份酒店可能仍需要收取按金（Deposit），建議帶備少量人民幣現金，或者確保你個 App 入面有足夠餘額做預授權。
Q6：帶小朋友去珠海玩，拱北附近有咩酒店推介？
A： 親子遊首選 珠海金石凱悅嘉軒酒店 (Hyatt Place)，因為佢房大又有 Sofa Bed，而且近夢幻水城。另外 亞朵 (Atour) 嘅衛生標準高、服務好，都好適合帶住小朋友嘅家庭入住。
