【深圳度假酒店2026】私人沙灘/海景酒店/山下民宿 深圳10間港人熱門度假酒店住宿之選 附交通方法和價錢
唔少朋友都想趁假期北上住返三五日，收集10+間深圳度假酒店享受一下海景或者山林的新鮮空氣！無論你想帶小朋友去小梅沙海洋世界睇最大的室內水族館，又或者想大家族一齊入住民宿玩樂，又或者想唔過千就住到Marriott/IHG等品牌的度假酒店，都滿足！
其他相關文章
如何選擇深圳度假酒店？
其實內地度假酒店一般都開喺海邊或者山林之中，所以特別有放假和舒適的氛圍，以下推介的桔釣沙萊華酒店我都住過兩次，原因好簡單「食住玩」都有齊，酒店菜式口味都好好又唔算貴，唔洗出去其他地方搵嘢食，有埋各種水上活動同泡泡池；
- 👉 推薦海景/沙灘酒店：深圳大梅沙京基洲際酒店、深圳桔釣沙萊華度假酒店
如果星級酒店覺得比較貴，想住裝修好容易出片和平價的民宿，深圳都有好多唔同風格的民宿可以選擇；
- 👉山景禪意民宿推薦：深圳耘境·見山度假美宿
- 👉出片希臘風民宿：蜜悦·深圳藍白聖島懸崖泡池
深圳浪騎瞻雲海濱度假酒店/遊艇會
- 價格參考：約為HK$600-1000/晚
- 地址：大鵬新區南澳街道東山社區新東路88號
- 交通：從蓮塘或羅湖口岸出發滴滴約1小時
性價比超高的海景酒店！位於深圳遊艇會旁邊，可以出海玩同有超長海濱棧道可以行，酒店內有兒童樂園、K房、麻將房、室外泳池、自助餐等休閒措施，仲可以戶外燒烤！但係人均都係300-500左右！
深圳桔釣沙萊華度假酒店/私人沙灘
- 價格參考：約為HK$900-1200/晚
- 地址：南澳新東路28號
- 交通：蓮塘口岸出發55分鐘車程
深圳桔釣沙萊華度假酒店位於南澳的一家度假酒店，有酒店私家沙灘而且有一些水上活動可以選擇例如划船，酒店充滿東南亞風情裝修。
深圳鹽田凱悅酒店/Hyatt旗下
- 參考價格：標準大床平日$800/晚（不含早）
- 距離蓮塘口岸：20分鐘車程
- 距離福田口岸：50分鐘車程
- 距離壹海城mall步行5分鐘
深圳鹽田凱悅於2019年開業，酒店樓下就有沙灘而且距離蓮塘口岸交通只需20分鐘車程，凱悅的餐飲在連鎖星級酒店算不錯的代表，而且這間凱悅自助餐主題是海鮮燒烤，值得一試。附近有一個小的mall，就算唔想食酒店餐食都可以食到其他內地美食例如湊湊火鍋、綠茶餐廳、胖哥倆等。
大梅沙京基洲際度假酒店/IHG旗下豪華酒店
- 參考價格：非暑期$1200起，臨近暑期$1800起
- 距離地鐵大梅沙站800米
- 距離海濱公園350米
- 距離大梅沙outlet500米
大梅沙京基酒店一直都是大部分人去深圳海邊度假的首選酒店之一，2020年重新裝修之後又改頭換面，更加適合現代審美簡單又不失調性，而且加入幾個親子活動非常適合帶小朋友一起度假。私人海灘完全唔擔心人多可以輕鬆度假。
網友分享實測
深圳大梅沙京基海灣大酒店/性價比之選
- 參考價格：最基礎房型含雙早 平日$800起、暑期$1100起
- 距離福田口岸約1小時車程
- 距離羅湖口岸約30分鐘車程
- 距離地鐵站大梅沙站700米
如果覺得洲際比較貴「平替」可以選擇大梅沙京基海灣大酒店，價錢減半但係可以享受幾乎一樣的地理位置、同區域海灘、附近有outlet可以行，服務態度非常好的一間酒店。
深圳美高梅酒店/深圳第一間MGM
- 距離地鐵小梅沙站450米
- 參考價格：基礎房型雙人床$2500起
- 距離羅湖口岸約30分鐘車程
深圳2024年新開業的美高梅酒店有全海景+50平以上的客房搭配，所有設施應有盡有裝修非常豪華，周圍園區有海洋軍事體驗區、海洋劇場、鯊魚館等，打造成一個豐富的度假村。
深圳大梅沙灣遊艇度假酒店/出海之選
- 參考價格：日落山景雙床房包含早餐$679起
- 距離大梅沙地鐵站500米
- 距離羅湖口岸約40分鐘車程
如名所示就在深圳遊艇會開的一間酒店，附近就是大梅沙海濱棧道，有興致都可以出海玩一轉都唔貴！
深圳大梅沙希爾頓歡朋酒店/Hilton旗下
預訂：Trip.com
- 參考價格：基礎房型雙人床含早 $746起
- 距離羅湖口岸約45分鐘車程
- 地鐵：距離8號線大梅沙D出口200米
大梅沙希爾頓歡朋係希爾頓連鎖酒店之一，所以無論服務、環境、住宿體驗都有保證，而且距離新開的地鐵站大梅沙D口非常近，附近都有好多商業區可以行，度假+食美食都完全冇壓力！
深圳大梅沙雅蘭酒店/舒適酒店
預訂：Trip.com
- 參考價格：標準房型不含早餐$477起
- 距離地鐵大梅沙站C出口320米
- 距離羅湖口岸40分鐘車程
性價比好高不過有少少舊的雅蘭酒店，因為全部使用雅蘭床墊所以睡都幾舒服，地理位置好距離沙灘同食街都係行幾分鐘就到。
深圳金沙灣佳兆業萬豪酒店/Marriott旗下海景度假酒店
- 價錢參考：HK$900起
- 地址：龍崗區大鵬鎮棕櫚大道33號
- 由羅湖口岸出發滴滴約1小時、由蓮塘口岸出發滴滴約45分鐘
深圳金沙灣佳兆業萬豪酒店係Marriott旗下度假豪華酒店，雖然開業已經有9年但係作為萬豪集團一員HK$900左右可以坐擁海景+豪華酒店客房已經非常值得，之前我都去食過一餐飯覺得非常好食，見到好多深圳本地朋友都會喜歡喺呢間酒店辦海邊婚禮非常出片！服務同環境都非常好。
深圳耘境·見山度假美宿
預訂：Trip.com
- 價錢參考：HK$600起
- 地址：龍崗區南澳街道地質公園路上橫崗村66號
- 交通：羅湖口岸出發約1小時車費100元左右，福田口岸出發約一個半小時120元車費
介紹一間海邊和山腳下的民宿「深圳耘境·見山度假美宿」，無論情侶、朋友旅行或者一家人來玩都非常合適，一間房大概$400-700左右，全棟有5間房大概在$3000-4000可以住10個人，環境衛生都非常好而且有專門管家接待，贈送早餐都幾好食。
蜜悦·深圳藍白聖島懸崖泡池
- 價錢參考：HK650起
- 地址：南澳海濱南路33號D2棟
- 從蓮塘口岸出發：搭巴士E11從廣嶺站搭到上下企沙站，步行1km到達，全程1小時40分鐘；的士/滴滴約1小時；從羅湖口岸出發：的士/滴滴約1小時
蜜悦·深圳藍白聖島懸崖泡池美宿係非常出名的希臘風酒店，有非常多港人慕名而來，價錢都很合理！房間內可以看超靚海景而且個別房有泡池可以邊欣賞海景又舒服的泡澡，去度假放鬆最適合！
