【深圳年貨市場2026】4大掃貨市集+3大絕美花市 (附地鐵交通懶人包)

【深圳年貨市場2026】4大掃貨市集+3大絕美花市 (附地鐵交通懶人包)

2026農曆新年將至，深圳年貨市集已經買得熱火朝天，深哥精選4大批發市場及博覽會，再加碼推介3個必行迎春花市（包括重開的羅湖愛國路）！附上最update的地鐵交通指引，掃海味、買鮮花、辦年貨一份攻略搞掂！除咗臨時的市集和花市，當然仲有深圳超市可以採購年貨！

其他相關：

• 蓮塘口岸街市
• 福田區商場
• 南山區商場
• 羅湖區商場
• 深圳新商場2026

2026深圳辦年貨速查表

掃貨篇 (乾貨、海味、生果批發)

想一次過買齊糖果、瓜子、海味同送禮佳品？以下這4個地方絕對係「平靚正」首選！

2026第15屆深圳迎春年貨博覽會

全深圳最大型的室內年貨展，優點係室內有冷氣，行得舒服，最適合一家大細！

• 賣點：匯聚全國特產，由糖酒茗茶、臘味海味到潮流服飾都有。場內仲有非遺集市，買野兼打卡。
• 時間：2026年1月31日 – 2月11日 (共12天)
• 地點：深圳會展中心 (福田) 6號館
• 交通：地鐵 1號線 或 4號線，「會展中心站」D出口，步行約5分鐘即達。

深圳福田農批年貨節

香港師奶最愛！位置就在福田，過關好快就到，主力買乾貨同日常食材。

• 賣點：這裡的滋補乾貨 (花膠、元貝、菇類) 性價比極高，亦有專門的「年貨街區」同小型花市，氣氛好接地氣；傳統的街市都有好多服務港客的服務
• 時間：2026年1月31日 – 2月14日 (09:30 – 16:30)
• 地點：福田農批市場 (福田區梅林路110號)
• 交通：地鐵 9號線，「梅景站」C出口，出站後步行約5-8分鐘。

海吉星 · 深圳年貨狂歡節

如果你打算揸車或者帶架大拖車上去，這裡的水果批發價會令你驚喜！

• 賣點：深圳最大的農產品物流園。主攻車厘子、士多啤梨、進口水果批發，仲有大量凍肉同農副食品。
• 時間：2026年1月31日 – 2月14日
• 地點：龍崗區丹農路海吉星國際農產品物流園
• 交通：(較遠，建議地鐵轉車) 地鐵 10號線「華南城站」或「涼帽山站」，出站後建議轉乘的士/網約車 (約10-15分鐘車程) 直達園區。

龍崗世貿中心年貨節

住在大灣區東部或者鍾意睇表演的朋友，這裡氣氛最好！

• 賣點：唔止買野，仲有非遺表演睇！時間跨度長，可以行到農曆新年後。
• 時間：2026年1月26日 – 2月23日
• 地點：龍崗區世貿外廣場
• 交通：地鐵 3號線，「龍城廣場站」D出口，步行約10分鐘。

行花街篇：羅湖愛國路迎春花市 (經典回歸)

深圳最經典、最有情懷的花市，亦係港人最熟悉的一個！

• 賣點：規模最大，傳統年味最濃！有巨型牌坊打卡，花卉種類最齊全，由大型桃花到精緻盆栽都有。
• 預計時間：2026年2月10日 – 2月17日 (年三十晚)
• 地點：羅湖區愛國路 (怡景路口至華麗路口段)
• 交通：地鐵 3號線，「翠竹站」B2出口，步行約10-15分鐘；或地鐵 5號線，「怡景站」A出口。

行花街篇：福田中心迎春花市 (現代繁華)

位於深圳市中心CBD，結合了現代燈光同傳統花市，行完仲可以去附近商場食飯。

• 賣點：主打「花卉+科技」，有好多大型花藝裝置，適合年輕人打卡。地點就在商圈附近，行街食飯一條龍。
• 預計時間：2026年2月3日 – 2月17日
• 地點：福田區卓悅中心中央大街 (One Avenue) 及周邊
• 交通：地鐵 1號線/10號線，「崗廈站」B出口；或地鐵 2號線/10號線/11號線/14號線，「崗廈北站」直達。

行花街篇：南山荷蘭花卉小鎮 (歐式風情)

平時已經係花鳥市場，過年期間會變身成花海，環境最優美！

• 賣點：歐式建築風格，主打高檔蘭花、鮮切花。這裡買花之餘，環境好舒服，唔會好似路邊花市咁逼。
• 時間：全年開放，迎春花市活動約於1月底開始
• 地點：南山區月亮灣大道3008號
• 交通：地鐵 1號線，「大新站」B出口，步行約15分鐘或轉乘的士 (起步價即到)。

提提大家購買須知

1. 過關帶貨注意：記住啦！生肉、家禽、生蛋係絕對不能帶過關回香港的！建議主攻乾貨、包裝食品、糖果同揮春裝飾。植物方面，帶泥土的盆栽通常不能過關，建議買鮮切花或者去泥的植物 (視乎海關最新規定)。
2. 電子支付：大部分攤檔支援 WeChat Pay HK 或 AlipayHK，但去批發市場 (如海吉星) 有時信號較差，建議準備少量人民幣現金備用。
3. 避開人潮：羅湖愛國路花市在年廿八至年三十晚會超級多人，如果想舒服行，建議提早幾日去！