【深圳地鐵13號線】一期北段即將開通！深圳灣口岸直達南山西麗+寶安 附好去處/路線圖

被譽為「港人北上通勤金龍」的深圳地鐵13號線有望今年年內開通！據悉，13號線一期（北延段） 已經順利完成熱滑試驗。

這意味著乜嘢？意味著以後由深圳灣口岸過關，搭13號線除咗可以去南山行商場，仲可以一路向北，「極速」直達寶安、光明區食乳鴿、行山！（光明段暫時未開通）

深圳13號線北延段站點

今次焦點係即將通車嘅 北延段（上屋站 至 高新北站）：

• 全長： 約 11 公里

• 站點： 增設 9 個車站

• 速度： 最高運行速度達 100km/h

• 進度： 5月19日完成熱滑試驗，各項數據達標，正式進入動車調試階段。

深圳13號線全線站點＆轉乘一覽

這條線最大優勢係「深圳灣口岸」出發！從口岸出嚟行200米就見到地鐵口

• 已開通（南段）： 深圳灣口岸 ⇋ 高新中

  • 途經：人才公園、後海、科苑、粵海門、深大等

  • 轉乘：可轉 1、2、5、9、11 號線，極速去羅湖、福田、機場。

• 即將開通（北延段）： 高新北 ⇋ 上屋

  • 站點：高新北、西麗高鐵站（暫不開通）、石鼓、留仙洞、百旺港大、應人石、羅租、石岩、上屋

深圳13號線路線圖（包含二期規劃）

深圳13號線價錢表

沿線玩樂地圖

【南段 – 現已開通】南山核心商圈、名店美食集中地

由深圳灣口岸出發，十幾分鐘即達核心區！

人才公園站：深圳人才公園 

• 亮點： 全深圳最靚嘅海岸線公園之一！一出站就係海邊，夜晚仲有燈光Show。公園連接住「深圳灣萬象城」，行完公園去食High Tea最歎。

• 推介： 睇日落、海濱長廊跑步、打卡「春筍」地標。

後海站：海岸城購物中心/嘉道樂

• 亮點： 港人最熟悉嘅老牌商場，亦係南山中心區最旺嘅地方。美食超多，由網紅B1層小食到高端餐廳應有盡有。

• 推介： 鮑師傅、喜茶、各類椰子雞、酸菜魚，行街首選。

科苑站/粵海門站：深圳灣萬象城 (The MixC) 

• 亮點： 行高端路線，好啱情侶約會。商場設計充滿藝術感，仲有好多香港未有嘅內地潮牌同展覽。近期已開啟萬象城二期，超多獨家美食店、咖啡店。

• 推介： 前簷書店 (Yan Books)、% Arabica、打卡巨型藝術裝置。

【北延段 – 即將開通】世外桃源、行山美食遊

通車後，由市區向北只需半個鐘，避開人潮！

留仙洞站：留仙洞總部

• 亮點： 集合很多深圳科技公司，例如大疆的總部「天空之城」就位於此處，同附近有萬科雲城可以提供食玩。深圳嘅「矽谷」後花園，成個區充滿設計感。好多型格Cafe、露天綠地同創意市集，係文青必去嘅打卡點。

• 推介： 週末嘆啡、影相、帶寵物放電

石岩站：石岩湖濕地公園

• 亮點： 擁有超長環湖綠道，環境清幽，人少景靚。非常適合一家大細嚟踩單車、露營野餐，遠離城市煩囂。

• 推介： 陌上花公園（花季打卡）、環湖踩單車。

上屋站：陽台山森林公園 (羊台山) 

• 亮點： 「深圳八景」之一，分大陽台、小陽台。以前去陽台山交通唔算方便，13號線通車後，地鐵直達山腳！

• 推介： 登山遠足、俯瞰寶安區全景、呼吸負離子。