【珠海好去處】港人去珠海遊玩攻略 去珠海必做的6件事！港車北上、港珠澳口岸金巴乘搭
覺得深圳人實在太多，不妨去珠海玩下，無論開車北上珠海或去到港珠澳口岸搭金巴到珠海都非常方便，而且珠海比起深圳更多景點值得遊玩。
珠海長隆海洋王國/宇宙飛船
珠海長隆主體喺海洋世界，比起廣州長隆更吸引我，基本上兩日一夜就夠玩！樂園酒店+入園門票基本都喺¥1500起/兩人，當然想住好啲肯定更貴喇。
宇宙飛船喺11月先推出嘅新樂園，比起海洋王國更加適合小朋友遊玩，增加咗好多互動場景非常適合小朋友。整個飛船造型都非常震撼，應該喺近排大灣區難得新樂園。兩日一夜基本上可以玩曬宇宙飛船+海洋王國所有項目同景點。
宇宙飛船測評可見：
山姆購物
如果可以開車北上去山姆就可以放心大膽買，山姆Sam’s喺Walmart旗下大型貨倉超市，因為價格低、產品質量好被港人追捧，不過一定要會員先可以入去同購買。
之前都介紹咗山姆會員：港人開通山姆/盒馬會員攻略
同山姆必買的產品：山姆6種可帶回港產品推介
食橫琴生蠔雞/海鮮等美食
去到珠海我覺得必食就係生蠔雞，本地橫琴生蠔都非常肥美加上廣東走地雞，如果人多再加個水魚就仲加不得了喇。推薦返兩間本地非常出名嘅生蠔雞
花苑美食橫琴生蠔
人均¥100/人
地址：珠海魚麗巷花苑新村23棟沿街商鋪
永興生蠔火鍋店
人均¥100/人
地址：水灣路87、89、91號
其實兩間生蠔雞都冇話差很多，只不過睇大家行到邊間近都可以去。
入油、洗車
開車的朋友都瞭解內地油價可能只喺香港嘅1/3-1/2左右，所以返香港之前記得去入油。而好多朋友都會去珠海嘅4S店、洗車店，換返零件或者精細車，價格都比香港平一半。
珠海洗車、保養等項目參考（截圖自大眾點評）
去珠海唱K
去珠海唱K一個下午¥200就可以唱3個鍾仲有飲料、小食贈送，歌單都算齊全嘅，所以鐘意唱K嘅朋友都唔好錯過啦。
唱K預約攻略：3間人氣KTV介紹
日式溫泉體驗——御溫泉
珠海一直都喺大灣區非常熱門旅遊城市，空氣質量都喺全國非常靠前嘅城市，珠海溫泉酒店都有好幾間，最出名就係御溫泉。
御溫泉從裝修到餐廳非常日式，仲有日式浴衣、大餐廟會可以體驗，兩個人週末去度假一下都幾好。雖然話喺日式但喺同喺日本當然冇得比，價錢亦擺在眼前，大家自己判斷想唔想去啦，放鬆下都得嘅。
參考價格：兩人兩日一夜溫泉無限次+自助晚餐+單車券+煙化券¥1600起
地址：廣東省珠海市斗門區斗門大道北333號
