【大灣區一日遊之順德】吃喝玩樂分享 順德私房菜/甜品/景點 附前往順德方式+一日食行真實測評
應該唔少朋友都知順德呢個地方，但其實已經從城市變為佛山市一個區，但喺作為廣東菜嘅經典，順德菜都好值得大家專門去一次！
前往順德交通選擇
我個人喺一家人開車過去，經港珠澳大橋大概兩個幾鍾就到咗，港車北上申請方法
其他前往順德方式
- 高鐵：搭高鐵前往【順德站】需在廣州南站，全程大概1.5h ¥225，可在trip.com/12306app自行購買指引
- 跨境巴士（永東作為參考）：經深圳灣口岸過關全程約3h ¥130，可在微信小程序【永東巴士】購買or跨境巴士官網
一日「食」行程
中午食飯【會龍居私房菜】
- 推介菜：桑拿雞+椰子粟米湯、桑拿牛肉、炒韭菜花、鼓油王鵝腸
- 人均¥110
其實去到順德比起食網紅店，我更鐘意撿返私房菜可以book位毋須排隊，但喺中午佢哋只營業3個鍾11-14點所以就算冇book位都唔好晚於13：40嚟，廚房會收工就食唔到喇。三個人先食咗300蚊人仔，三四個餸但喺三個人都食唔嗮份量好大。桑拿雞非常滑嫩鮮甜，蒸完雞汁會流到下面煲椰子湯裏面。桑拿牛肉真喺意外好食，擺咗一層榨菜喺上面反而更加香，牛肉大大塊一碟先60蚊港紙。
下午下午茶
【金榜牛奶鋪】
嚟順德當然要食「大良雙皮奶」問咗食飯嘅本地人介紹咗金榜牛奶鋪比我哋，但好可惜13：30開門15：00就賣完收鋪所以冇食到，如果大家想前往記得13：30開門嘅時候去比較好
【仁信老鋪】
- 推介：薑汁撞奶、雙皮奶、炸牛奶、栗子糖水
- 人均¥27
後面撿咗一間網紅店，去到睇到喺條步行街裏面都覺得麻麻而且需要排隊，食咗之後都ok炸牛奶都幾好食，薑撞奶同雙皮奶奶味都好足又加咗幾款小食都只需要80蚊
【檳城茶餐廳】
- 推介：斑斕蛋撻、桔子冰
- 人均¥20
之後又搵咗一間好出名嘅「斑斕蛋撻」食下，唔需排隊而且基本上都喺現烤，去到都有啱啱出爐嘅蛋撻可以食，¥24有6件都好抵，但喺阿華田味就甜咗少少
遊玩點
【清暉園】
清暉園就喺仁信老鋪旁邊，所以食完去行下景點都啱好可以消化下。清暉園喺廣東四大名園之首，曾經喺狀元府邸建於明代，基本就喺一個散步嘅好地方。當日天氣比較好而且人流唔算多，所以如果帶老人來行下都幾好，小朋友可能會覺得無聊。想嚟都一定要喺16：30之前入園，因為17：00就閉園，門票¥15唔好浪費。
晚飯
【順年燒鵝私房菜】
- 推介菜：燒鵝、清蒸皖魚、羅氏蝦、撈魚皮海蜇
- 人均¥70
又喺一間私房菜，其實都捻過要唔要食魚生但喺都驚驚哋所以都食返正常順德菜。本來喺想食到燒鵝就得但其實呢度可以食到好多海鮮而且燒鵝會有木頭熏烤過的味道，可見非常正宗。清蒸皖魚肉質非常鮮甜、一點都唔腥。三個人四個餸先200蚊出頭，雖然坐街邊仲要搭臺但喺非常值得去！
晚上睇夜景
【順德華僑城歡樂海岸】
今年順德多咗一個超大型mall+遊樂場，非常出名嘅摩天輪都喺度，睇到好多大型遊戲好似都幾唔錯適合轉門玩一日，Mall旁邊個景都幾靚。
