【深圳批發城】4大類型批發市場 服裝/眼鏡/鮮花/文具禮品批發市場 港人北上掃貨必睇！
服飾批發市場——南油服裝批發市場
唔同於一般服裝市場，南油服飾批發市場的定位以中高端為主，服飾款式主要分為原創設計款及外貿服裝，包括日常便服和宴會禮服款式都幾齊全，價錢由幾十至幾百不等，約市面零售價的3-7折。此外，服裝的面料和款式都以上乘為主，還有很多大品牌的季尾貨在這里可以買到，質量保證。
- 地址：深圳市南山區南油南海大道
- 營業時間：星期一至日 10am – 8pm
- 交通：從羅湖口岸坐地鐵1號線至車公廟站，再轉乘9號線往前灣方向至南油站F1出口
眼鏡批發市場——橫崗眼鏡城
橫崗眼鏡城應該唔少朋友都有聽聞，深圳喺全球品牌眼鏡的最大生產基地，單橫崗的眼鏡從業人員就超過10萬人，眼鏡年產量非常高。眼鏡城都幾多牌子貨，例如人氣品牌HOYA、FILA等，顧客挑選好合適的鏡架後會由視光師進行驗眼程序平日最快30分鐘可取，價錢則普遍為RMB$200-＄500，約為香港的三份一。
- 地址：龍商大道橫商段 4169-4173號
- 營業時間：星期一至日9:30am – 7pm
- 交通：從羅湖口岸坐地鐵1號線至老街 再轉乘3號線往雙龍方向至橫崗站D出口
鮮花批發市場——荷蘭花卉小鎮
荷蘭花卉小鎮顧名思義就喺整到好似荷蘭嘅小鎮喇，入面有好多花店、小寵物店鋪、咖啡店，所以得閒過去行下都幾唔錯。荷蘭花卉小鎮有好多花房，門前擺放各式各樣的花，例如滿天星、野玫瑰、康乃馨等等。因為喺批發市場所以價格都好好，一束康乃馨¥15、一束玫瑰花¥10，每份都包裝都幾好，方便帶回香港。
- 地址：深圳南山區月亮灣大道3008號
- 營業時間：8：30—21：00
- 交通：最近1號大新地鐵站距離1.3km，距離深圳灣口岸較近可打車前往
文具/禮品/玩具批發——筍崗文具玩具禮品城
就嚟聖誕都好多朋友想買裝飾品可以考慮下筍崗呢個禮品城，幫小朋友買文具都可以，價格非常低而且質量又過關。F1、F2賣文具、辦公用品、喜慶用品，F3賣玩具、工藝品，F4有小家電、品牌展廳，所以行一個下午都冇乜問題，甚至都比淘寶平20%-30%。
- 地址：深圳市羅湖區寶安北路2011號
- 營業時間：8：00-19：00
- 交通：7號線筍崗站A出口300m
