【深圳南山區好去處】南山桃園6間深圳人最愛的街邊小店！ 廣式糖水/螺螄粉/馬卡龍/咖喱飯平價美食
比起去羅湖、福田居民區、城中村「搵食」，南山聚集了非常多深圳打工人所以有好多小店好食又平價深受深圳年輕人的喜愛。如果你鐘意食甜品、小食就必睇呢篇！
其他區小眾美食店打卡
荔芳傳統糖水鋪—深圳糖水排名第一
開在小巷的廣式糖水鋪，芒果系列非常受歡迎一碗多芒小丸子只需￥20，芒果超甜、小丸子軟糯；仲有深圳比較少見的斑斕奶凍，完全唔會好甜。其他糖水系列都有：雙皮奶、黑糯米、芋圓、芝麻糊。
- 必食推介：斑斕奶凍、芒果系列
- 地址：南山區荔芳一街111號
- 地鐵：11/12號線南山站G出口300米
- 營業時間：12點-凌晨1點
胖卡龍—超cute的馬卡龍專門店
好睇又好食的韓式馬卡龍，有超多得意的造每個都好精緻唔捨得食！仲有韓式復古蛋糕價錢亦唔算高，如果啱好有生日都可以試下。
- 必食推介：開心果樹莓、豆乳年糕、草莓優格、泰式奶茶
- 地址：南山區荔芳社區南山大道2009號億利達村3棟
- 地鐵：11/12號線南山站G出口130米
- 營業時間：11：30-20：00
胖明粉館&森叔水吧—深圳口味的螺螄粉
參考咗廣式口味的螺螄粉係深圳螺螄粉榜單第一的店，「招牌螺螄粉」螺肉非常多仲有最重要的酸筍、木耳、酸豆角，加埋鵪鶉蛋、豬肉都一樣惹味！南山店有專屬的特色「老友粉」和「酸嘢」都係廣西非常特色的菜品，一定要一齊試下！
- 必食推介：招牌螺螄粉、木薯糖水、生炒螺螄粉、老友粉、炸蛋、鴨腳
- 地址：南山區田廈社區常興路115-5
- 地鐵：1號線桃園站C出口500米
- 營業時間：11：00-24：00
甜頭潮汕甜湯—潮汕味道
潮汕甜湯係潮汕非常傳統的小食可能去過潮汕的朋友都會試過，非常出名的海石花、桃膠都係甜湯裡面常見的配料，老闆除咗開潮汕糖水仲有潮汕小菜，可以一齊打卡。
- 必食推介：鴨母捻、省點心（綠豆馬蹄）、永遠18（桃膠、蓮子、鮮奶）
- 地址：南山區南山大道2009號億利達村4棟104
- 地鐵：11/12號線南山站G步行200米
- 營業時間：12：00-21：00
負海拔咖喱—咖喱狂熱愛好者開的店
因為店主係咖喱狂熱愛好者所以才會有呢間店鋪，小店只賣一樣—咖喱，可以坐在吧檯睇製作全過程。店鋪裡面一共5款卡里，推介搭配太陽蛋一齊拌飯食，炸雞同咖喱就係最佳搭配，雞肉嫩滑多汁、外皮酥脆。
- 必食推介：炸小雞咖喱飯、燉小牛咖喱飯、炸小菇、可樂餅
- 地址：南山區南山大道2015號光大村C出口
- 地鐵：11號線南山站G出口300米
- 營業時間：週二至週日12：00-14：00、18：00-21：00
LOTIKO樓梯口—社區貝果店
LOTIKO只賣三樣產品：貝果、咖啡同精釀，店鋪係美式復古風每日當日製作12款貝果，可以係店裡面搭配一款飲品慢慢享受，貝果有4款醬可以搭配。
- 必食推介：墨魚鹹蛋黃肉鬆、開心果拿鐵、蔓越莓貝果、南瓜貝果
- 地址：南山區南山大道2011號億利達村（停車場入口旁）
- 地鐵：11/12號線南山站G出口50米
- 營業時間：9：00-24：00
