深圳美食其實非常之多，而真正的美食都藏匿在居民區附近而且非常平價，開咗好多年得到附近食客的認證。而想介紹俾大家就係深圳知名的美食村黃貝嶺向南穿過深南東路，嚟到舊居民區「文華花園」可以食到非常入味的鵝肉湯粉、私房菜館、羅湖口味第一咖啡店！
有更多羅湖好玩好食的地方：羅湖玩樂攻略 舒適酒店+景點分享
羅湖區口岸通關攻略（含深圳巴士搭車）：蓮塘口岸通過攻略
北上食客必備APP：大眾點評香港電話註冊方法
潮茂客家鵝粉麵店—13年老店
在文華花園開咗13年的老店，店內外都有位。見到間店就知道係非常傳統的湯粉店，推介點「招牌鵝肉粉」28元/份，鵝肉油水豐富又入味，早上仲有傳統「布拉腸」5元/份就可以食到，搭配蘿蔔乾+自製辣椒醬一流！
- 營業時間：6：30-20：30
- 地址：羅湖區北斗路26-121文華花園（2號線黃貝嶺D出口）
黃美華私廚—招牌「檸檬酸菜魚」
雖然係私廚但人均消費不過百，應該就係廣東菜最正嘅地方，最出色係「檸檬酸菜魚」、超紫蘇牛蛙。食酸菜魚記得加一份粉條，吸收湯汁之後非常美味！
- 營業時間：17：30-1：30（凌晨）
- 地址：羅湖區北斗路文華花園11棟1層（文華幼稚園門口）
ShadowCoffee（文華花園店）—羅湖口味第一咖啡店
呢幾年非常流行咖啡店開在舊花園、舊街區裏面，可能添加一種悠閒的感覺。ShadowCoffee作為羅湖比較有風味的咖啡店，可以試下Soe美式、藍莓曲奇拿鐵，別有一番風味。
- 營業時間：10：00-20：30
- 地址：羅湖區行知路文華花園13棟西一樓（文華幼稚園附近50m）
高廚手工紅糖饅頭—手工出品
每個小區附近必備一間饅頭/包子店，咁文華花園就有一間手工紅糖饅頭店。超大一個只需2元，上面有凝結的紅糖但微甜有嚼勁。店裏面仲有豆漿、花捲、糯米燒賣等，5元左右就搞掂一日早餐。
- 營業時間：7：00-19：00
- 地址：羅湖區深南東路文華花園19棟地下一樓西A
明記清餃—現包餃子店
明記一共有3間店而文華花園是第一間，店面細藏匿在居民樓下面，但有現包的餃子同蔥油撈麵得到大家的認同，簡簡單單又一餐。
- 營業時間：10：00-20：30
- 地址：羅湖區深南東路1017號
