自從北上之後都發覺食飯必須要有「團購」先抵食！所以最基本就係使用大眾點評、美團（註冊流程點擊），咁其實除咗大眾點評仲有唔同的渠道都可以優惠食到美食，例如抖音、美味不用等。
食飯團購—大眾點評/美團
因為大眾點評已經同美團合併，所以兩個APP團購商家係一樣。
- 功能包括：團購、預訂、排位、商家地址、美食排名等
- 支付方式：微信支付（兩地錢包都支持）/Apple Pay/內地支付寶/直接綁定銀行卡（包含國際信用卡）
大眾點評操作詳情
新優質團購渠道—抖音團購
就算我本人唔鐘意玩抖音但都不可否認，它開始攻占「團購」市場，而且好多相同商家的套餐都會稍低過大眾點評，所以去到餐廳可以問下服務員邊個團購最平。
- 功能包括：團購、商家地址
- 支付方式：內地支付寶/直接綁定銀行卡（僅限內地銀行卡）
抖音團購操作詳情
- 主頁面直接搜索餐廳名，即可睇到可以選擇的團購套餐
火鍋/烤肉團購最佳—美味不用等（可用微信小程序）
其實美味不用等最開始出名係因為可以幫手排位，宜家依然可以排位！不過美味不等用最出色係有好多火鍋/烤肉商家的非常低價團購，例如￥9.9/￥29.9代￥100的優惠。而且美味不用等可以直接係WeChat小程序就用到，毋須另外下載APP。
- 功能包括：團購、預先排位
- 支付方式：微信支付（兩地錢包都支持）
美味不用等團購操作詳細
