【廣州好去處2024】高鐵1小時直達廣州 推介廣州最值得去玩的5個景點
從香港西九龍出發前往廣州只需一個小時，比起深圳廣州擁有更多景點同老字號值得大家週末來小住一兩日都非常適合，無論喺食一日、玩一日、睇一日都無問題，廣州都可以滿足，如果一直想去廣州的朋友不妨去一去！
海心橋、廣州塔——欣賞珠江美景
幾乎每個去到廣州遊玩嘅朋友都會選擇去珠江一遊，海心橋喺廣州首個大型人工橋橫跨珠江夜晚非常好睇，而廣州塔作為地標性建築「廣州小蠻腰」應該無人不知，當然上塔要的飛要兩百幾我個人覺得無必要，但去珠江邊轉一轉絕對非常值得。
- 提示：禮拜六日上海心橋需要登記（免費），WeChat搜索「海心橋」
- 定位：廣州海心橋
- 地鐵：3號線廣州塔站
東山口——現代&古典結合
「潮到風濕」嘅東山口應該喺每個廣州年輕人最多的地方，整條街數百間咖啡店、Brunch、潮人用品店仲有東山口五大名園就算年紀大的朋友都好多地方可以行。
- 定位：廣州市越秀區中山二三路（東山口喺一個區域統稱，東山口地鐵站附近一帶）
- 地鐵：1/6號線東山口站F步行260m
永慶坊——體會真正的嶺南園林文化
永慶坊保留咗好多騎樓街商鋪喺晚清南部時期經濟核心區域之一，經過時間洗禮整條街都變成傳統同現代結合的模樣，吸引大家影相。而最吸引我嘅應該喺嶺南園林，而最出名就喺粵劇藝術博物館充滿古色古香，令人賞心悅目。
- 永慶坊遊玩指引
- 定位：廣州市越秀區恩寧路99號
- 地鐵：1號線黃沙站B出口560m
北京路步行街
沒錯喺廣州有條北京路而且非常出名，其實都算喺條「食街」不過最吸引我應該喺光明廣場可以夾公仔，大概100蚊就有150個幣，而且10個細嘅公仔可以換一個大的，比深圳的好夾。完全可以預備半日嚟玩啱嗮鐘意夾公仔的朋友。其他朋友嚟北京路就可以食下行下即可。
- 定位：廣州市越秀區北京街
- 地鐵：2號線公園前J出口/6號線北京路B出口
廣州長隆動物園——最佳親子旅遊地
廣州長隆動物園應該喺全亞洲最大規模的私立動物園，亦喺5A景區。一直以來都非常出名特別喺白虎自助餐廳可以邊食飯邊睇到老虎！而且有國寶熊貓同500種珍貴動物，帶小朋友就最啱學嘢喇！
- 門票：成人約240CNY起、小童165CNY起
- 定位：中國廣東省廣州市番禺區香江大道593號
- 地鐵：3號線漢溪長隆
其實廣州仲有大佛寺、廣州美術館、廣州博物館等等非常值得一去的地方，之前都分享過廣州融創滑雪攻略可以參考，而且仲有非常多老字號值得食，之後都同大家分享！
