近排去深圳機場飛嘅朋友都唔少，因為深圳機場最近都開咗好多日本、韓國直航的班次價格有時都抵過香港好多，例如ANA飛東京2k包稅包行李超令人心動！所以講下點樣去深圳機場比較方便又快捷喇！一般建議至少提前2小時到達深圳機場辦理check in、安檢等事項，而且恢復國際大部分航空線之後，唔少登機口可能都要去到衛星廳（需乘坐機場內的地鐵）所以都最好早到一步，其實早啲到機場講唔定仲可以食返餐再飛。
深圳機場地理位置
機場於深圳西部寶安區，算係離市區非常近的機場之一
前往深圳機場方式—的士
其實最便捷、最快、最自由的方式當然喺飛的，雖然深圳巴士、地鐵都都好平，但喺要換乘、搵車站都幾麻煩，而每個口岸出嚟必定有的士站可以搭的士，而且價格比起香港的士真喺平好多，攞住行李當然希望舒服出行！
- 由深圳灣口岸——深圳機場25km，約50分鐘，普通四座車70-100rmb左右根據車況浮動
- 由福田口岸——深圳機場35km，約40分鐘（行京港澳高速），普通四座車70-110rmb左右根據車況浮動
- 由羅湖口岸—深圳機場39km，約50分鐘，普通四座車80-120rmb左右根據車況浮動
前往深圳機場方式—跨境巴士
車飛價格：100-150rmb（不同上車點、公司有所不同）
時間：預估2小時起
如果想喺香港就開始搭巴士（過關需攜帶行李）都可以選擇跨境巴士，對於唔想煩惱兩邊不同車況的朋友可以選擇直接跨境巴士直達，不過需要綜合考慮時間是否合適因為跨境巴士班次不算多。
前往深圳機場方式—深圳巴士
目前深圳巴士機場線較少班次差唔多半小時一班，所以趕時間的朋友唔太建議坐巴士，不過機場巴士停靠的站點只有幾站，而且工作日高峰期可以行巴士通道，行駛時長一般不超過1小時。
- 深圳灣口岸：A3巴士快線，價格20rmb，出關左手邊巴士站上車
- 福田口岸：A10巴士快線，價格25rmb，福田口岸城市候機樓公交站
- 羅湖口岸：無直達巴士快線
前往深圳機場方式—深圳地鐵
如果想最綠色出行可以選擇地鐵，唔驚塞車到11號機場站出嚟就喺深圳機場喇
- 福田口岸：10號線福田口岸→崗廈北轉11號線→11號線機場站，車費8元，全程約55分鐘
- 羅湖口岸：1號線羅湖站→車公廟轉11號線→11號線機場站，車費8元，全程約1小時
- 蓮塘口岸：2號線蓮塘口岸→崗廈北轉11號線→11號線機場站，車費9元，全程約75分鐘
- 深圳灣口岸（附近無接駁地鐵站）：搭的士6km到11號線南山站→11號線機場站，車費疊加約25元，全程約45分鐘
福田深港候機樓—可以直接托運行李
深圳機場還在此開通了行李直掛等便捷服務，旅客可提前在福田口岸候機樓辦理值機、托運等手續，到達深圳機場後可直接通過安檢、候機登機
福田口岸深港都市候機室處於福田CBD（3公里）輻射圈
毗鄰廣深高速皇崗出入口，距福田口岸650米、皇崗口岸700米
候機樓機場快線—A10
從9月25日開始，深圳機場福田口岸城市候機樓開始啟用，將為需要前往香港機場、深圳機場兩地的朋友帶來便捷的出行選擇，前往深圳機場開通A10機場快線，最快30分鐘就可以到達深圳機場
- 往福田口岸方向服務時間為7:00至21:00
- 往深圳機場方向服務時間為8:00至22:00
（雙方向發車間隔為30至60分鐘）
前往深圳機場方式—搭船
由香港中港城碼頭—深圳機場碼頭：一日4班船，時間約70分鐘
船票購買方式
WeChat小程序：搜索深圳機場碼頭，價格99-280rmb不同座位供選擇
深圳機場餐廳
我個人覺得內地大部分航空的飛機場都比較一般，如果經深圳飛我都會提早到然後去搵食，特別喺去陳鵬鵬去食返碗鵝肉飯再飲返杯手打檸檬茶，大概都喺70rmb左右！出發內仲有喜茶、Wagas等等美食店，價錢同正常門市幾乎無差別所以喺深圳機場食飯都ok。可以睇返其他朋友介紹深圳機場美食
深圳機場美食推介
深圳機場酒店
如果遇到凌晨機出發or落地想住返晚，深圳機場有非常好的選擇與機場直接連接，毋須額外乘坐交通工具即可到達。
- 深圳機場凱悅酒店，約800rmb/晚
- 深圳機場凱悅嘉軒酒店，約700rmb/晚
